** रिमिंला **
- हरिहर ब्रह्म
संसारा रिमिंला जाबाय
बुहुमा मावग्लुंबाय
फुवा-फुवा फुंखाया ओंखारनानै
गोबां बिलो – बिलोमा
दिथुवारा गासैबो
बुहुमाव थुंगिलांबाय
गोबां जादनि दंफां – लाइफाङा
बुहुमाव उजिनानै
गासैबो रुंलांबाय ।
गोबां सुबुंमाहारिया गावजों-गाव
इना-इनि —
मोनसा – मोनसि जानानै
दानथारलाय – सुधारालय
गावथारलाय – सिथारलाय
गासैबो बुहुमाव
सिलिंखार जालांबाय
जिब-जुनार —
दाउस्रि – दाउज्ला
एम्फौ-एनला
गावजों-गाव
इना-इनि
मोनसा-मोनसि
जानानै गासैबो
बुहुमाव जोबस्रांलाबाय ।
नाथाइ बिदि …….
