Blog

सिमांङा बिदिनो सोलाय – सोलाय
फैयो आरो गोमोरलाङो …..

नैबेयो —
बुहुमनां सिमांमोन
गुवार हाथायनि

मोजांथारमोन
APDCLनि जोहै
आदानि फामु जानायनि

बेयाव —
रुपस्रि बिरखं गाथोन

रेल क’स फेक्टरी …

खाथिआवनो दंमोन —
हारिमायारि बारि

आरो दंमोन —

हारि दाफामगिरि :
गुरूदेव कालीचरण ब्रह्म

आरो दंबावोमोन —
संकस खेरायसालि

नाथाइ
आबादारिफोरनि साल जरा
माखु जरानि हाथाय गैयामोन
बैयाव —

खालि दंमोन —
गुदुं बारनि बिरफुंनाय
गोसोम हां

बेनिथाखायनो बैयाव —
सुइजारलेण्ड नङाब्लाबो
सिमांनि सुइजारलेण्ड

बिबारनि समायना बारि
बयबो बेखौनो दाबो हासथायो ….
सिमां नुनायखौ बुंनायबादि

आरो आबादारिफोरा
दाबो नेनानै थायो —

अख्रां नायदाव नायदाव

रादायजों फोथांनाय —
क’क्लाबारि फार्म

आरो जों
फामु जानो हांख्रायहरो —

APDCLनि जोहै आदानि फोलेरखौ
बागसानि फाग्ला दैमानि
गुवार गोरान बालाबारिआव ……