थाबोनाय गोरबोनि रिंनाय देंखो
___अनिप बसुमतारि
थांखि दंमोन !
मिजिंनि बोनाय देंखोआव
जांख्रिथायनि आगाना
दाबो गोमोराखै ।
नों हान्थिनाय गोलाव लामा
दाबो थुंगियाखै ।
जोंनि लोगोआव दं —
बड’फानि बुंनाय गोरबोनि खोथा
” हादरनि उनाव
रांखानथिनि उदांस्रि
सुसिनायनिफ्राय बारग’नो
नांगौ जोंनो समाजवाद । “
बेनो जाथों —
जोंनि खौसेथि आरो
थांना थानायनि
गुबै मोनथोर ।
जों दाबो जिरायाखै
जेराव रैखाथि गैया
बेयाव जों थाया ।
बुंनाय बाथ्राया दाबो रिङो —
बि.ए.चि.आव रैखाथि गैया ।
दा आरो बि.टि.चि.आव —
सासे बोराइआ बुंनायबादिनो —
थारुनखौ रुनानै गायगासिनो
सियाल गोथां बुंनायबादि —
बेनिथाखायनो, दा बिसोरनि जोबोद रंजानाय ।
नाथाइ, जोंनि थाखाय बेनो सम
होख्रांनायनि आरो
दावहा होनानै
गंसे गोदान हादर फसंनायनि ;
जेराव थागोन बड’फानि बुंनाय बोसोन
थाबोनाय गोरबोनि रिंनाय देंखो …..।
