Blog

बे गावनि बिथा आरो हादरावनो
गोसोम गोसोम गाबजों गाग्लोबग्राफोर
दाबो दंबावो —

बिसोरनो ….
बर’ बिमानि बिखायाव
मोहेरनाय नोजोरनि जं सुयो —

जों आबादारि
मावनानै जाग्रा
बड’लेण्डनि थागिबि बर’ हारि
मिथिंगा सिबियारि

आंगो हाजो सारि लोगोसेयै थाग्रा
नोइ सुबुं जिउ-हारि ….

बिसोरो …..
सनदेरनाय खाबुफलान बिगोमाफोरजों फिजानाय
बिसनि गोलाव-गोलाव आसुगुरगोनां
बिखानि गोसोम गाबजों दाजानाय

बिसोरजों जों
आरोबाव जुजिबावनांगोन

इयुन गोजोन हादरनि थाखायबो

रांखान्थिनि उदांस्रि आरो
सुसिनायनिफ्राइ बारगनो
समाजवाद गायसन्नो थाखाइ

बेनिथाखायनो बयबो दिनैनो ओंखारबोखादो —
आखाइ हारिमुनि बायदि आखजेंजों
दिनैनि बे गोदान दावहा फोथाराव जुजिनो —