UBO Histry

NEWS & INFORMATION

केशब नोगोराव -- जुबिन गार्गनि 53थि ; 1थि जोनोम सान फालिनाय ( 2025 )

18/11/2025 : बे मख”जानाय खालाराव —
बड’लेण्ड , क’क्लाबारि नि #KeshabNwgwr / केशब नोगोराव #jubinGarg / जुबिन गार्ग नि 53थि जोनोम सान फालिनाय हाबाफारिया — ( 2025 ) BTC बिसायख’थि नि बिजाथि समाज मावथि : जगदिश मदाहि बिथांनि दैदेन्नायाव मोजाङै – मोजां जानानै थाङो — !
बे हाबाफारियाव खौसेथि बड’ आफाद / United Bodo Organization नि बोसोनगिरि , समाज रत्न : हरिहर ब्रह्म आरो समाज सिबियारि , United Bodo Organization नि आफादगिरि : अनिप बसुमतारि , BTC नि बारग’ MCLA बिथांमोना हांख्रायजानाय आलारिबाथि फोजोंगिरि आरो नाहर बिफां फुलि गायगिरि गाहाइ आलासि महरै बाहागो लानानै — जुबिन गार्ग नि जोनोम सान फालिनाय समनि बिबुंथियाव ओरै बुङोदि —
* खम समनि गेजेरावनो बुहुमदांखा जानो हानाय जुबिन गार्ग बिथांखौ जों अरायबो गोसोखांनांगोन आरो बिथांनि मुङाव मान होनानै खामानि मावनांगोन — ( बिबुंथिगिरि : हरिहर ब्रह्म ) !!
* बिथां जुबिन गार्गया खम समनि गेजेरावनो मोदाइ गुन गोहोजों समाजनि खामानि मावनानै मुंदांखा जानो हानाय सासे मानसिमोन — ( बिबुंथिगिरि : अनिप बसुमतारि ) !!! लोगोसे बिथाङा जुबिन गार्ग नि मुङाव दुलाराय बुहुमनाङैनो बयनिसिमबो फुंखाहाम बाउहरनाय खालामो — !!!

16 नबेम्बर ,2025 : बड' थुनलाइ आफाद गायसन्नाय ; बर' थुनलाइ सान !

बे मख’जानाय खालाराव — बड’लेण्ड, क’क्लाबारि हालामनि सा.क. साहित्य सभानि मावख’ हजुवायाव बर’ थुनलाइ सानखौ फालिनायजों सोमोन्दो लाखिनानै फुंखा थुनलाइयारि जथुमनाय समनि गेजेरजों आफादनि जानानै बे जायगानिफ्राइ — खौसेथि बड’ आफाद / United Bodo organization नि आफादगिरि : बारग’ MCLA अनिप बसुमतारिया बर’ थुनलाइ सान आरो नेसनेल प्रेस साननि मुङाव दोंसे खन्थाइ – मेथाइ आवरायनाजों बयनिसिमबो गाहाम हामब्लायथिनाय बाउहरनाय खालामो —

खन्थाइ - मेथाइ

राव – थुनलाइ …..
गावबा – गावनि राव – थुनलाइ …. !!

रावनि गोर्बोआव थायो नों थुनलाइ …
गोर्बो बेखेवनो सुजुजानाय बेयो गांसे बिलाइ …

बेजोंनो फोरमायो – फोसावो — मुलुगमायारि-सुबुंनि जिउ सोरजि
थांना थानायनि जोंनि सोदोमस्रि ….

बिलाइ ….. जोंनि रावनि बेयोलाइ थुनलाइ बिलाइ ….. !

राव – थुनलाइ ……
गावबा – गावनि राव – थुनलाइ …. !!

फांसे बिफांनि दालाइ – बिलाइ ….
नांगौ बिफांनो थांना थानो बेखौलाइ …

मुलुगमायारि जोंनि हारिनो नांगौ राव- थुनलाइ …
हारिया थांनानै थानो थर नांगौ …

जोंनि जिउआव दावगानो बेखौनो नांथारगौ …. !

राव – थुनलाइ ….
गावबा – गावनि राव – थुनलाइ ….. !!

नङाबा …. आलायसिलाय…..
नङाबा ….. आलायसिलाय ….

गोनांथि होयाबोला गावबा-गावनि राव – थुनलाइ ….
गावबा-गावनि राव – थुनलाइ …. !

राव – थुनलाइ ….
गावबा-गावनि राव- थुनलाइ ….. !!

---***---***---

UBOनि 3थि गुदुं मस्ला दिन्थिफुंनाय हाबाफारि ; सामलायगिरि : मेन्देला एक्टर

7/11/2025 : मख’जानाय बे खालाराव– बड’लेण्ड, क’क्लाबारि नि केशब नोगोराव — क’क्लाबारि आन्चलिक रास फोर्बोमा फालिथाइनि जर’खा दिन्थिफुंनाय : UBO नि 3थि गुदुं मस्ला दिन्थिफुंनाय समनि बे हाबाफारिखौ दैदोंमोन — UBO नि हारिमुवारि बोसोनगिरि : मेन्देला एक्टर बिथाङा !
बे गुदुं मस्ला दिन्थिफुंनाय समाव — सिख्ला देलों हानजा मोसानाय , हारसिं मोसानाय, मेथाइ रोजाबनाय , खन्थाइ आवरायनाय आरो फेस्लाजों जावनाय बिदैजों रंगिना गाब गाहोनाय जादोंमोन ! बे हाबाफारियाव बाहागो लाग्रा महरै, मख’जाथावफोर दंमोन ; फारियै — रोजाबगिरि : गोमबोर बर’ , मासूम बसुमतारि , खन्थाइगिरि : रेबगन राजा , रुपधन स्वरगियारि आरो गुबुन-गुबुन फेस्ला दिन्थिगिरिफोर !!!
बे हाबाफारिनि बयनिख्रुइबो मख’जाथावसिन नोजोर होथाव दिन्थि सिना बेनोदि — दिन्थिफुंनाय समाव जुमाइ फेनाय सोरबा सुबुंफोरा जौसांनि सिगाङाव फैनानै असदा-असदा मोसाफैसन्नायखौ सामलायगिरि : मेन्देला एक्टर गाजोलाया फेस्ला रावजों, मिनिग्लाब-होनायजों जावनानै खायसेनि गुदुं असादा आखलाव गुसु दै लुसोमनानै आखल फोसाबनो हानाया गोसोआव लाखिथाव जादोंमोन ….!!
मानोना , फेस्ला फावजों जावजानानै जौसांनि सिगाङाव असदा-असदा मोसाफैनाय सुबुंफोरा गाव-हारसिङैनो सिरि-सिरियै लाजिना बेनिफ्राइ ओंखारलारलांनानै दलद जिरायना नायग्राल’ जाना थाहैनांदोंमोन — !!! बेजोंनो UBO नि गुदुं मस्ला दिन्थिफुंनाया ओंथिगोनां जादोंमोन होन्नानै बयखौबो बुंसोलायनाय खोनादों — !!!

UBO आफादगिरि : अनिप बसुमतारिनि सामलायनायाव : फथा दैसा सेर-सेर थुनलाइ हारिमुवारि जथुम:
6/11/2025 : बे मख”जानाय खालाराव– बड’लेण्ड , क’क्लाबारि हालामनि केशब नोगोराव खुंफुंजानाय — क’क्लाबारि आन्चलिक रास फोर्बोमा खुंफुं आफादनि हाबाफारि बादियै — फथा दैसा सेर-सेर थुनलाइ हारिमुवारि जथुमखौ दैदेनो — United Bodo Organization नि आफादगिरि : अनिप बसुमतारि !
बे जथुमखौ बेखेवो —
फथा दैसा सेर-सेर थुनलाइ हारिमुवारि गौथुमनि गाहाइ नेहाथारि आरो सालबारि जिल्ला BCAA नि आफादगिरि : बिजु बसुमतारि ! बेखेवनायजों लोगोसे बिथाङा दोंसे मेथाइ रोजाबो — !
गाहाइयै मख”जाथाव — बे जथुमाव खन्थाइ-मेथाइगिरि , समाज रत्न : हरिहर ब्रह्म , मनोरंजन बसुमतारि , लिरगिरि , गोख्रों सावरायगिरि , खन्थाइगिरि : बिनेनसिं कचारि खनथाइ-मेथाइनि देंखोजों जथुमखौ समायहोसिनो आरो गुबुन-गुबुन मेथाइ रोजाबगिरि बिथांमोना मेथाइ रोजाबनानै फथा दैसा सेर-सेर थुनलाइ हारिमुवारि जथुमखौ जाफुंसारनाय खालामो — !
जथुमाव गोबां रायजोफोरा गोसो होनानै खोनासंदोंन !

UNITED BODO ORGANIZATION नि 3थि गायसंथाइ सान फालिनाय आरो 4थि जखननि समाजारि बोसोन राव आरो दाबि आर'जलाइ बिबुंथि:

UNITED BODO ORGANIZATION नि 3थि गायसंथाइ सान फालिनाय आरो 4थि जखननि समाजारि बोसोन राव आरो दाबि आर’जलाइ बिबुंथि

30 अक्ट’बर , 2025 : बड’लेण्ड , सिरां जिल्लानि सिङाव थानाय गारगावाव बड’ खौसेथि आफाद / United Bodo Organization नि 3थि गायसंथाइ सान फालिनायजों लोगोसे 4थि खौसेथि जखननि बायदि हाबाफारि मावफुंनाय समनि नुथाइ …. ! बे हाबाफारिया सिरिबाङै जोबोद मोजाङै – मोजां जानानै थाङो ….. !
1/ खौसेथि बड’ आफाद / United Bodo Organization नि फिरफिलाखौ दिखाङो :-
आफादनि आफादगिरि : अनिप बसुमतारि , बारग’ MCLA , BTC .
2/ मुंख्लं आरो समाज सिबियारिफोरनो बिबार बाउजेनो :- कमलसिं नार्जारि EX MLA नि जायगायाव — गिरिच चन्द्र बर’ , बारग’ गोरायुं ,आथियाबारि बिद्दा मन्दिर HSS .
3/ जुबिन गार्गनि मुङाव बिबार बाउजेनो : – मेन्देला एक्टर, Video On line नि गेजेरजों !
4/ बिफां गायनाय हाबाफारिखौ मावफुङो — माजेन गयारि , बारग’ फोरोंगिरि ।
5/ खौसेथि बड’ आफाद / United Bodo Organization नि थामथि गायसंथाइ सान फालिनायनि मुङाव आलारि बाथि फोजोङो :- समाज आरो थुनलाइ सिबियारि , बुध्द धर्म नेशनल फेलोशिप बान्था , थुनलाइ आरो समाज रत्न बान्था मोनगिरि : हरिहर ब्रह्म , बोसोनगिरि , UBO.
6/ फुं समनि गासै हाबाफारिखौ दैदेनो —
खौसेथि बड’ आफादनि गाहाइ नेहाथारि : मोकथां नार्जारी आरो बेलासिनि जखनखौ दैदेनो :- UBO नि आफादगिरि : अनिप बसुमतारि , बारग’ MCLA, BTC.
7 UBO निफ्राइ साय’जानाय समाज सिबियारिफोरनो मानबान्था बाउनाय जायो —
फारियै — क ) — खरगेस्वर गयारि , समाज सिबियारि ।
ख ) — लामा बसुमतारि ( अजा )
ग ) — प्रिय’ बाला कार्जि , आयजो समाज सिबियारि ।
8/ बिबुंथि लाखियो :- समाज सिबियारि बान्था मोनगिरि : खरगेस्वर गयारि । बिथांनि गुबै बिबुंथि : समाज खान्थियारि हाबाफारिफोराव जयै ओंखारलायनाय खालामनानै खौसेथिखौ लाखिनांगौ ! UBO आफादाव मोनफ्रोमबो राजखान्थियारि नङै बर’ आफादफोरनि सासेयै सोद्रोमा थिसननांगौ !
9/ आथियाबारि बिद्दा मन्दिर HSS नि बारग’ गोरायुं : गिरिच चन्द्र बर’ । बिथांनि गुबै बिबुंथि : बर’ समाजाव जाखुवा न’खर जिउ खुंनाय राहा खान्थिजोंबो बर’ हारिनि खौसेथि गोहोखौ लाखिनो हायो — !
10/ आयजो समाज सिबियारि : प्रिय’ बाला कार्जि ।
बिथांजोनि गुबै बिबुंथि : न’खराव बिहाव – बिखुनजो, बिहामजो – फिसाला गासैबो आंगोथि अनलायनाय सोमोन्दोनि गेजेरजोंसो गुबै गोजोन संसारा दाजायो — !
11/ दु ,ब .आ.आ.नि बारग’ नेहाथारि : बिनेनसिं कचारि ।
बिथांनि गुबै बिबुंथि : बर’फ्रा खौसेथिनि गुबै ओंथिखौ लाखिनो गाव हारसिङैनो गोहो गोरायै खुंथाइ खुंनो थाखाइ बर’जोंल’ बर’ खौसेयै खुंनायनि आदब बाहायनो लाथारनांसिगौ ।
12/ गुदि बाथौ अजा आफादनि नेहाथारि : सानसोरां नार्जारी । बिथांनि गुबै बिबुंथि : धोरोमजोंसो हारियाव — खौसेथि गोहोआव फैनो हायो — !
जथुमनि जोबथियाव आफादनि आफादगिरि : अनिप बसुमतारिया बिबुंथि लाखिनायनि गुबै बाथ्राफोर —
अ ) अंगनबाडि सेन्टारफोराव बर’ बिजाब गैफेरि जानाय जेंना आरो बर’ रावजों थारै फोरोंनाय खालामनो थोजासे बर’ रावनि बिजाब दिहुन्नाय आरो फोसावनाय खालामनानै बर’ रावजों फोरोंनायनि राहाखौ थाबैनो आसाम सरकार आरो ,BTC या लानांगौ ।
आ ) बड’लेण्डआव– सरकारा बायदि बिफाननि गेजेरजों सरकारी खाजना / तेक्स मोन्नो हानाय आरो सुबुंनि मुलाम्फा बारायहोनो खामानि मावनाय हाबाफारि लानो बांसिन जर होनांगौ होन्नानै खावलायो — ।
इ ) मानास हाग्रामाजों सिथाबनानै थाफानाय BTC Revenue Village महराव थानाय गासै NC Village फोरखौ जयै मानासलेण्ड गामि मुं होनानै थागिबि हा बिगमाफोरनो मोन्थाय मुं होनानै दावबाय बिफानखौ फौजौखांनायनि मावबिथांखि लानांगौ होन्नानै सरकारनिसिम खावलायहरनाय जायो — ।
ई ) खौसेथि बड’ आफादनि जोथोनाव — बर’ न’खर न’ लुनायनि मुङाव थोजासे हा आरो सरकारि रांखान्थियारि मदद होनांगौ होन्नानै दाबि खालामहरनाय जायो — ।
ऋ ) बड’लेण्ड , बागसानि क’क्लाबारि फार्मखौ फोथांफिननायनि मुङाव– गुबुन-गुबुन Registred Co-Operative Society Ltd फोरनि जोहै मावफुंनाय खालामनो थाखाइ BTCLA नि रांबावजायाव थोजासे रां थिसन्नाय खालानांगौ — ।
ए ) राव- थुनलाइ , हारिमु , सोलोंथाइ , सोदोमस्रि आरो बायदि फोथाराव समाज आफादनि जोहै खामानि मावनो थाखाइ खौसेथि बड’ आफादनो बोसोरफ्रोमबो थोजासे रांखान्थियारि मदद होनाय खालामनांगौ– ।
बेफोर बिथांखिफोरखौ मावफुंनाय खालामनो थाखाइ BTC नि मानिनां, गाहाइ खुंगिरिनिसिम दाबि आर’जलाइ होनाय जाबाय होन्नानै जखननि गेजेराव गेवलाङै फोरमायनाय बिबुंथि लाखिनायनि गेजेरजों जेंनाफोरखौ सुफुंनो UBO नि आफादगिरि : बारग’ MCLA अनिप बसुमतारिआ खुंगिरि बिथांमोननिसिम खावलायहरनाय खालामो — !!!
आरो जोबथियाव —
मुंदांखा रेंगुदामसा , मेथाइ सोरजिगिरि : जुबिन गार्ग थैनांनाय जाहोननि दायनिगिरिफोरखौ बिजिरनो — #JusticeForZubeenGarg
बिबुंथिनायजों फोजोबो — !!!

UBO: United Bodos’ Organization

UBO: आइजो अनसाइ

United Bodo Organization नि 3थि गायसंथाइ सान फालिनाय :

30 अक्ट’बर , 2025 खालारखालि बड’लेण्ड, सिरां जिल्ला, बिजनीनि गारगाव मुंनि जायगायाव सानसेनि हाबाफारिजों गायसंथाइ सान फालिनो लानाय हाबाफारिया सिरिबाङै जाफुंनो थांगासिनो दं ….. !
बेनिखायनो, बे हाबाफरियाव आफादनि सोद्रोमाफोर आरो जायगानि बयबो रायजोफोरखौ नुजाथिफैनानै बाहागो लाफैनो थाखाइ बड’ खौसेथि आफादनिफ्राइ हांख्रायहरनाय जादों — ।
हांख्रायगिरिफोर —
अनिप बसुमतारि
आफादगिरि ,
United Bodo Organization.
मोकथां नार्जारी
गाहाइ नेहाथारि ,
United Bodo Organization.
समर चन्द्र गयारि
मासिगिरि ,
बान्जाइ आफाद
बलराम मुसाहारि
लिंथुमगिरि ,
बान्जाइ आफाद ।

UBO: United Bodos' Organization

UBO: आइजो अनसाइ

23/10/2025 : मख'जानाय बे खालाराव बड'लेण्ड हायुङारि गौथुमनि मानिनां गाहाइ खुंगिरि : हाग्रामा महिलारि बिथांखौ खौसेथि बड' आफाद / United Bodo organization निफ्राइ बरायनायजों लोगोसे गांसे गोसोखां आर'जलाइ गथायनाय जायो -- !

मख’जाथाव — बे गोसोखां आर’जलाइ नि गेजेरजों गुबैयै —

* क’क्लाबारि फार्माखौ फोथांफिन्नायनि मुङाव बायदि गुबुन-गुबुन Co-Operative Society Ltd. फोरखौ जयै जथायनानै खामानि मावनायनि खाबु जानायनि थाखाइ BTCLA जथुमनाय समनि रांबावजायाव थिसन्नाय बिथांखि आजावनाय जाथों !

* मानास हाग्रामाजों सिथाबफानानै थानाय बड’लेण्ड नि गासै Revenue N.C. Village फोरखौ जथायना मानासलेण्ड गामि मुं महर होनानै बेनि थागिबि हारिफोरनि मुङाव हा बिगुमानि मोन्थाय होनानै दावबाय बिफानखौ जौगाहोनो आगजु लानाय जाथों !

* अंगनवाडि मिरु थावनिफोराव बर’ बिजाबफोर गैयि जानायखौ सुफुंनो थाखाइ बर’ बिजाबफोर दिहुन्नाय आरो फोसावनाय खालामनानै अंगनवाडि मेरु थावनिफोराव बर’ बिजोंजों फोरोंहोनायनि राहा खालामनाय जाथों !

बेफोरनि अनगायैबो बेयावनो थिसनजानाय गुबुन-गुबुन आयदाफारिफोरखौ लाफानानै नुजाथिनाय जेंनाफोरखौ थाबैनो सुस्रांनायनि राहा खालामनो गोसोखां आर’जलाइ गथायनाय जायो — !!

बे गोसोखां आर’जलाइ गथायनाय समाव दंमोन — United Bodo Organization नि आफादगिरि : बारग’ MCLA अनिप बसुमतारि , गाहाइ नेहाथारि : मोकथां नार्जारी। , बोसोनगिरि : हरिहर ब्रह्म , हारिमु नेहाथारि : बलराम मुसाहारि आरो गुबुन-गुबुन सोद्रोमाफोर !

बेजों लोगोसे जोबोद गोनांथि होनानै मख’नाय जायोदि —
बड’लेण्ड हालामाव माखासे लांदां मासि जानानै थानायखौ गामिबोराइ / गावप्रधान थिसन्नाय खालामनानै रायजोफोरनि गेजेराव नुजानाय जेंनाखौ थाबैनो सुफुंनानै होनो खावलायनाय जायो — !!!

बे रोखोमसे गोसोखां आर’जलाइखौनो गुबुन-गुबुन बिफानारि मावफुं सोद्रोमा बिथांमोन्नोबो Copy गथायनाय जायो — !!!

21/10/2025 : मख'जानाय बे खालाराव खौसेथि बड' आफाद / United Bodo organization निफ्राइ बड'लेण्ड , सोलोंथाइ बिफान , B.T.C.L.A. नि E.M. रबिराम नार्जारी बिथांखौ क'क्राझाराव थानाय गावनि न'आवनो लोगो हमनानै बरायनायजों लोगोसे गांसे गोसोखां आर'जलाइ गथायनाय जायो -- !

मख’जाथाव — बे गोसोखां आर’जलाइ गथायनाय बिलाइआव गासै 10 नं फारिसिम दाबिनाय आर’ज दं — ! बे फारि नं 10 याव दाबिनाय आर’जा गुबैयै बेनोदि —

आसाम आरो बड’लेण्ड हालामनि अंगनवाडि मिरु थावनिफोराव बर’ बिजाब गैयिनि बिजाबफोर गोनांथि जानायखौ सुफुंनो थाखाइ थाबैनो थोजासे बर’ बिजाबफोर दिहुन्नाय आरो फोसावनाय खालामनानै बर’ बिजोंजों फोरोंहोनायनि मोजां राहा खालामनाय जाथों /

Application for Demand of Bodo Language Books for Anganbwadi & Demand for Printing and Publishing Books in Bodo Language for Anganwadi Centres .

बे आयदानि थाखाइ बिफानारि मावदाङायसा निसिम United Bodo organization निफ्राइ हास्थायनाय लेखा लोगो – लोगो मानिनां मावफुं सोद्रोमा बिथाङा जानबुं राहानि गेजेरजों खौरां लाहरनानै मावफुंनायनि थाखाइ आगजु लायो — !

बेनि थाखाइ United Bodo organization या बिथां मानिनां E.M. रबिराम नार्जारी निसिम रोजा – रोजा साबायख’र बाउनाय जायो !!

हान्जाखौ दैदेनदोंमोन — United Bodo Organization नि आफादगिरि , बारग’ MCLA अनिप बसुमतारि !
लोगो हमनाय हाबाफारिनि बे हान्जायाव दंमोन — आफादनि गाहाइ नेहाथारि :- मोकथां नार्जारी , हारिमु नेहाथारि :- बलराम मुसाहारी , बोसोनगिरि :- हरिहर ब्रह्म आरो फोथायारि सोद्रोमा :- सुनिल बसुमतारि ।।।

30 अक्ट'बर : खौसेथि बड' आफाद / United Bodo Organization नि 3थि गायसंथाइ सान फालिनाय

खुंफुंनो थाखाइ 19 / 10 / 2025 बे खालाराव बान्जाइ आफाद दानाय हाबाफारिया खौसेथि बड’ आफादनि — गाहाइ नेहाथारि मुस्रि मोखथां नार्जारीनि नुजाथिनाय आरो दैदेन्नायाव मोजाङै – मोजां जानानै थांबाय ।

जायगा :-  गारगाव , बिजनि , सिरां , बड’लेण्ड / आसाम  । 

दाजानाय बान्जाइ आफादनि बिबानगिरिफोरा गाहायाव होनायबादि —

RC for Foundation day Celebration of UBO at Gargaon, Bijni, Chirang, Bodoland.

Chairman: Samar ch. Goyary (8365720499)
Vice: Manaranjan Muchahary
Bijanta Basumatary
Convenor: Balaram Muchahary
J Convenor: Arjun Muchahary
Tanjim Narzary
Sambaru Boro
Ratan Muchahary

Member :

1. Deben Basumatary
2. Kameswar Muchahary
3. Swrang Basumatary
4. Anil Basumatary
5. Joydhan Muchahary
6. Rabin Muchahary
7. Subad Muchahary
8. Bistiram Muchahary
9. Bijit Goyary
10. Ms Sinu Muchahary
11. Ms. Jhorme Goyary
12. Ms Ansuli Boro
13. Ms Sonali Basumatary
14. Ms Purnima Goyary
15. Kanan Muchahary
16. Mrs Purnima Goyary
17. Santala Narzary
18. Sanjib Narzary
19. Chandra Muchahary
20. Lahit Muchahary
21. Mrs Sapna Narzary
22. Mrs Babitha Daimary
23. Mrs Mina Narzary
24. Tarani Basumatary
25. Janak Sangkar Muchahary
26. Karen Muchahary
27. Ajoy Narzary

Adviser :
Harmahan Boro
Majen Goyary
Niren Brahma
Dhanbrudhar Basumatary
Lahit Daimary
Bijoy Narzary

6/10/2025 : मख'जानाय बे खालारखालि बड'लेण्ड नि सालबारियाव :

” हादान थुनलाइयारि आद्दा ” नि 5थि जोनोम सान फालिनायजों लोगोसे 26 थि थुनलाइयारि जथुम खुंनाय समनि गिबि हाबारियाव — बांबा मोखां , मुंदांखा देंखोगिरि : जुबिन गार्ग नि मुङाव गोसोखां आलारि बाथि फोजोंनानै बिबार बावजेनो — 1/ खन्थाइ, मेथाइगिरि : निनगोमा स्वरगियारि !
2/ जोनोम साननि मुङाव आलारि बाथि फोजोङो —
अनिप बसुमतारि , बारग’ MCLA , UBO नि आफादगिरि ।
3/ जोनोम साननि मुङाव केग हायो —
बिनद मोसाहारि , बारग’ मासिगिरि , TCLCC .
4/ जथुम आरो खन्थाइ आवरायनाय बेखेवजेनो —
लिरगिरि : अनिप बसुमतारि !
आवरायजानाय खन्थाइ नि मुं : 1/ जुबिन मुं , 2/ जांख्रिथाइयारि मिजिंनि रिंनाय देंखो !
मुंख’जाथाव महरै बे खन्थाइ आवरायनाय जथुमाव बाहागो लादोंमोन — मुंदांखा खन्थाइगिरि : निनगोमा सवरगियारि , मिलौदो सोरां सवरगियारि , बिनेनसिं कचारि , कालिचरन उजिर , किरनमय बर’ , जशदा बालें बसुमतारि , बानायथि बसुमतारि , रेबगन राजा आरो गोबां लाइमोन खन्थाइगिरिफोर …..!
जथुम आरो हाबाफारिखौ दैदोंमोन — Prof, रसेन मोसाहारि , आफादगिरि, हादान थुनलाइयारि आद्दा , सालबारि क’लेज ।
जथुमखौ गोदै देंखोजों मुजिहोदोंमोन — सालबारि मिउजिक फरायसालिनि सोलोंसाफोर ….!!!

बड'फानि मुसुखा फोजोबस्रांनो नागिरग्रा सुबुंफोरखौ थाबैनो संदिहुन्नाय खालामनानै साजा होनांगौ : UBO

30/9/2025 : बड’लेण्ड, बागसा जिल्ला, मुसलपुरनि गोजोन पार्कआव थानाय — बड’फा: उपेन्द्र नाथ ब्रह्म नि मुसुखाखौ बिदि इनायै खुबैख्लानाय हाबाखौ जों, खौसेथि बड’ आफाद / United Bodo Organization आ गोख्रों रावजों सोनखारियो आरो मुगैनाय फोरमायो — ! बेबादि उदखारि खामानि मावनाया हारि आरो समाजनि गेजेराव खायसे सानगोथे सुबुंफोरनि लामा आन्दायनांनायनि जाहोनावनो जानो मोनो होन्नानै जों सानो ! बिसोरबादि उदखारि गोसोनि सुबुङानो हारि आरो समाजायाव खैफोद लाबोना होफैयो !
बेफोरबादि सानगोथे गोसोनि गाज्रि गोहोफोरा गोख्रैनो जोबस्रांलांथों। !!!
बैसोर उदखारि दायनिगिरि सुबुंफोरखौ थाबैनो संदिहुन्नानै हमना गोख्रों साजा होनांगौ होन्नानै सरकारि जिला बेंगिरि निसिम, जों, United Bodo Organizationआ बेजों गोख्रों नारसिनहरनाय जायो — !!
बबेखानि, बे एखे जायगायावनो,एखे मुसुखाखौनो, बे जाथायनि सिगाङावबो बेबादिनो उदखारिफोरा इनायै अन्थायजों खुबैख्लानाय खालामदोंमोन !!!

BTC बिसायख'थि , 2025 मायथायाव देरहासारनाय बिजाथिफोर आरो गेदेर दैदेनगिरि : हाग्रामा महिलारि बिथांखौ बरायनाय : UBO

27/9/2025 : बड’लेण्डनि 5थि BTC बिसायख’थि , 2025 मायथाइनि खुंफुंजानाय समनि देरहासारनाय गासै बिजाथिफोरनिसिम, जों, खौसेथि बड’ आफाद / UBO: United Bodo Organizationनि जानानै बरायनाय आरो साबायख’र बाउहरो — !!! आरो जेन्नांनाय बिजाथि बिथांमोननिसिमबो सुबुंदाराखान्थिनि बिसायख’थि गेलेनाय आदबजों हादरनि सुबुंदाराखान्थिखौ गोग्गोम आरो गोग्गोयै हमथानानै लाखिनायाव बिहोमा होनाय जादों होन्नानै बेनि मुंङाव साबायख’र बाउहरनाय जायो — !
बेजोंनो लोगोसे, बे बिसायख’थिनि गेजेरजों बड’लेण्ड नि बारग’ गाहाइ खुंगिरि आरो BPF हानजानि मानिनां, आफादगिरि, गेदेर दैदेनगिरि : हाग्रामा महिलारि बिथांनिसिम, बड’लेण्ड नि राजखान्थिआव जारिमिनारि मोनसे गेदेर देरहासारनाय फिथाइखौ मोननो हानायनि थाखाइ एखुथायै बरायनाय आरो साबायख’र बाउहरो — !
जों, खौसेथि बड’ आफाद / UBO: United Bodo Organizationआ मिजिंथियो — बिथां गेदेर दैदेनगिरि : हाग्रामा महिलारि नि गोख्रों दैदेन्नायजों बयखौबो लाफानानै बड’लेण्ड हालामाव आरोबाव जोंखांसिन्नाय जाफुंसार खुंथाइ होनो हागोन !!! मानोना, जोंनि रायजोफोरा बिथांनो बांसिन फोथायनाय आरो अन्नाय होनानै बड’लेण्ड हालामखौ हारसिंनो खुंथाइ खुंनायनि देरसिन देरहानाय होदों !
आरो , बड’लेण्ड हालामारि हानजानि बिजाथिफोरनो बांसिन भ’ट होनानै देरहासार खालामहरनायनि थाखाइ गासै रायजो – रायजाफोरनिसिमबो जों, खौसेथि बड’ आफाद / UBO: United Bodo Organization आ जोबोद – जोबोद सिबिनाय आरो साबायख’र बाउहरो — !!!
जों, बिसायख’थिनि सिगां बयखौबो खावलायनाय जादोंमोनदि — ओनसोलारि हान्जानि बिजाथिफोरनोसो भ’ट हो होन्नानै !!!
गेदेर दैदेनगिरि : हाग्रामा महिलारि बिथांनि दैदेन्नायाव ओनसोलारि हानजा BPF = Bodoland People’s Frontआ हारसिंनो खुंथाइयाव फैनो हानाया बेनि बेसेनखौ जों, खौसेथि बड’ आफाद / United Bodo Organization नो मुंसे गोदै मोनदांथिनाय होदों — !
आरोबाव जों , मोनदांथियो — नांगौ समाव बर’फ्रा हारि महरै राजखान्थिआव सांग्रां जानायनि रिंनाय देंखोखौ …!!
बेनिथाखाइ जों, गोग्गायो — !!
जै जाथों — बड’लेण्ड नि ….!!
जै — बड’लेण्ड नि — जै !!!
अनिप बसुमतारि
आफादगिरि
मोखथां नार्जारी
गाहाइ नेहाथारि ,
खौसेथि बड’ आफाद /
United Bodo Organization
केशब नोगोर , क’क्लाबारि , बड’लेण्ड / आसाम

मुंदांखा देंखोगिरि : जुबिन गार्ग बिथांनि मुङाव दुखु फोरमायनाय : खौसेथि बड' आफाद / UBO :

19/9/2025 : जों , खौसेथि बड’ आफाद / UBO : United Bodo Organization आ , हादरनि मुंदांखा देंखोगिरि बिथां : जुबिन गार्गा , शिंगापुरनि लैथोमायाव गेलेनानै हरखाब जिउ गोमानाय खौरांखौ मोन्नानै जोबोद गोथौ दुखु मोन्नाय फोरमायो ….!!! जों , बेजों , फोरमायनाय जायोदि , देंखोनि लैथो ; मुहिनां गारांनि गिरि महरै सुबुं माहारिनि गेजेराव होलांनाय गेदेर बिहोमाजों , असमिया , बर’ , हिन्दी मेथाइ आरो सावथुन मुलुगाव बिथां जुबिन गार्गनि जिउमायारि मुङा अरायनि थाखाइ थैनो रोङि जानानै थासिगोन !!!

जोंहा , सुफुंख’हायि खहा जाबाय !!!

जों , बिथां गेदेमानिसिम सिबिनाय बाउहरो — !!! बिथांनि जिउमाया गोजोन जाथों !!!


गोर्बोसे मिजिंजों —
अनिप बसुमतारि
आफादगिरि,

मोखथां नार्जारी
गाहाइ नेहाथारि ,
खौसेथि बड’ आफाद /
United bodo organization.
केशब नोगोर ,
क’क्लाबारि — 781330
बड’लेण्ड / आसाम ।

खौसेथि बड' आफाद UBO: United Bodo Organization:

Keshab Nwgwr ,
Koklabari — 781330
बड’लेण्ड / आसाम ।
———————————————

**खावलायनाय**

गिबियावनो बयनिसिमबो खुलुमनाय बाउहरबाय 🙏

सिबिनां रायजोफोर , मोनफ्रोमबो राजखान्थि हान्जा आरो राजखान्थि नङै समाजारि आफादनि सोद्रोमा नोंथांमोन , जों बयबो गोसोआव लाखिनाया मोजांदि — बिसायख’थिया जों बयनिबो थाखाइ जोंनि हादर सामलायनो बोसोर 5, बोसोर 5नि थाखायल’ बिबान गथायनो खुंजानाय, रायजोयारि दाफुंजानाय मोनसे खान्थिनि गेजेरजों मोनसे आदब सुफुंनो लानाय बेयो समनि खावलायनायल’ ! बे समनि खावलायनायजों गोरोबनानै आदब सुफुंनो बाहागो लानाय समाव इयुन सिगां आरो दानि थाथिखौ नोजोर बोनानै खामानिखौ गोजोनयै, मोजाङै-मोजां मावफुंनो लानायासो जों, बयनिबो मावथारनांगौ बिबान !

बेफोरबादि बिसायख’थिया सुबुंदाराखान्थिजों सामलायजानाय मोनसे हादरनि गेजेराव सोलिबायानो-थागोन …. आरो बेखौ मोजां गोजोनयै बारहोहरनो हानायासो जों बयनिबो थाखाइ मुलाम्फा गोनां जायो — ! नङाब्ला, समाजाव आवबा नांनो लायो ! आरो आवबा नांनाय समाज मोनसेनि गेजेराव गोजोन खौसेथि आरो दावगानाय सिमाङा माब्लाबाबो मोखथां महर मोननो हाया ! नाथाइ, जोंनो गोजोन खौसेथि आरो दावगानाय नांथारगौ !

बेनिखायनो, जोंनि बड’लेण्ड हालामाव खुंफुंनो लानाय बे बिसाख’थिनि समाव बुलाय-सुलाय खालामनो गोसो लानाय ,रागा जोंदावनाय आरो खिथेर लालायनाय , बेफोर गाज्रि आखुथायारि मेलेम बाहायनायनिफ्राइ गोजानाव थानो जों / UBO: United Bodo Organization आ बयखौबो खावलायो — !!

मानोना, बे हायावनो जों बयहाबो न’खर दंलायो ! बे न’खरावनो थालायनानै सानफ्रोमबोनि थाखाइ फिन गुबै न’खर-जिउ खुंलायनायनि मुङाव हान्थिनांगौ नोंनि आंनि लामायाबो बे दोंसेयानो ….!

बेनिखायनो , बे दोंसे लामानि जों, बयबो हान्थियारि,सानफ्रोमबोनि लोगो महरै हारि आरो समाजनि थाखाइ गोजोन ,खौसेथि आरो दागानाय खामानि मावनायनि समायना सिमांजों थांखि आरो नोजोर लानानै BTC बिसाख’थि 2025 नि गेलेनायाव बयखौबो बाहागो लानो खावलायो — !! नाथाइ, जों, जोंनिनो बे दोंसे लामायावनो सौथुहोग्रा अन्थाइ जानानै थायोब्ला गुबुनफोरजों खुजाबहोजागोन ….! अब्लाना जों, गावजों-गावनो खुजाबनाय अन्थाइनि अर्खिजों बेर्देरजागोन !!!


बेनिखायनो सिबिनां रायजोफोर —

बड’लेण्डनि गोजोन,खौसेथि आरोबाव बांसिन खामानि मावनो ओंखारनाय ओनसोलारि गोख्रों हान्जानि बिजाथिफोरनो भ’ट होना देरहासार खालामनो बयखौबो खावलायनाय जाबाय — !!!


जै — बड’लेण्डनि — जै !!!

अनिप बसुमतारि ,
आफादगिरि ,

मोखथां नार्जारी ,
गाहाइ नेहाथारि ,

खौसेथि बड’ आफाद /
UBO: United Bodo Organization.
केशब नोगोराव,
क’क्लाबारि — 781330
बड’लेण्ड ।
खालार : – 18/9/2025

ट्राइबेलफोरखौ फोजोबस्रांनायनि खैसार सानायखौ UBO: United Bodo Organizationआ मुगैयो:
8/9/2025 : भारत हादरनि बड’लेण्ड हालामाव ट्राइबेलफोरनि थाखायबा हाइक’र्टनि अर्दारब्लाबो भाजपाया बेखौ गोसोब्लानो गाफ्लेनोबो हायो आरो बिसिनोबो हायो होन्नायबादिसो ! बेनि फोरमाना बेनोदि , आसाम सरकार ट्राइबेल बिफान / ट्राइबेल एफियार्स निफ्राइ 4/8/2025 खालारखालि BTC बिसायख’थि बिजाथिलाइ सायख’ खालारावनो गांसे बिथोनलाइ दिहुनब्रबना मोनबा जिला खुंगिरिफोरनिसिम S/T फोरमानलाइ होनायनि गोहो खोख्रै लाइजाम हरनायानो बेनि फोरमान । बेयो आसामनि भाजपा सरकारनिफ्राइ ट्राइबेलफोरखौ फोजोबस्रांनायनि गंसे गोख्रों गोबौ हाथियार बाहायनाय । बेनिखायनो , बे हाथियारखौ जों मुगैयो ; …. मानोना, बे हाथियारजों ट्राइबेलफोरखौ फोजोबस्रांनायनि आहिला महरै बाहायनायखौ नुनो मोन्नाय जादों । थाबैनो बेखौ सरकारा बोखांनानै लाफिननांगौ आरो PIL केस नं 30 / 2019 मानिनां हाइक’र्ट नि बिथोनबादियै सरनिया,दास , देका आरो बायदि मुंखारिगिरिफोरिनो बर’कसारि दालाइसा हारि महरै S/T फोरमानलाइ होनायनिफ्राइ गोजानाव थांनांगौ होन्नानै जों , UBO: United Bodo Organization आ दाबि
खालामो — !!
आरो सरनिया , दास , देका मुंखारिजों बर’कसारिनि दालायसा हारिमहरै S/T फोरमानलाइ लानानै S/T नो थिखानाय समष्टिफोराव बिजाथि महरै बिसायख’थि गेलेनो लानाय बिजाथिलाइखौ बोखारना होनांगौ होन्नानै आसाम आरो भारतनि बिसायख’थि आयगनिसिम खावलायनायजों दाबि खालामो — !!
आरो सरकारा जोंनि दाबिखौ मानिनाय जायाब्ला बेनि हेंथायै गोख्रैनो गोख्रों सोमावसारनाय खालामनाय जागोन होन्नानै फोसावो ….. ।
बेनि हेंथायै , जों , UBOआ गासै बर’ आरो ट्राइबेल हारिफोरखौनो खौसे जानो खावलायहरो — ।

4/9/2025 : बेयाव मख'जानाय खालारखालि , बड'लेण्डनि सिरां जिला , बिजनि बर'बाजाराव -- United Bodo Organization नि मोनसे गोनांथार मावफुं जथुमसा खुंफुंनाया मोजाङै-मोजां जानानै थाङो -- !
बे मोनसे गोनांथार जथुमसानि गेजेरजों 2025 इं ; BTC बिसायख’थिनि समाव गौथुमनि गेजेरजों गोजोन -खौसेथि, हारि रैखाथि होनाय आरो लाखिनाय थांखिखौ जाफुंसार होनाय मिजिंजों मावनो बेवालि सोंनाय राजखान्थियारि आयदाखौ गौथुमनि आफादगिरि आरो गाहाइ नेहाथारिनि आखाइयाव
गोहोनि बिबान गथायनाय जायो — ।

2/9/2025 : बेयाव मुंखजानाय खालाराव :
UBO : United Bodo Organization आरो बागसा जिला ट्राइबेल संघजों जयै लोगो नांनानै, बड’लेण्डआव खुंफुंजानो थांगासिनो थानाय BTC बिसायखथि ( 2025 )या आयेन खान्थिनि गेजेरजों मोजाङै-मोजां , गेबें आरो गोजोनयै खुफुंजानांगौनि थाखाइ बागसा DC नि जोहै आसामनि Election Commissioner निसिम गांसे गोसोखांथिलाइ दैथायहरनाय जायो — ।
बेयो बे समनिनो मुंसे नुथाइ …..

अंगनवाडिनि थाखाइ बर' रावनि बिजाब दिहुन्नाय आरो फोसावनाय खालामनानै बर' रावजों फोरोंनाय खालामनो दाबि : खौसेथि बड' आफाद ( UBO )

बिमा रावानो गुदि सोलोंथाइ लाजेन्नायनि थाखाइ साबसिन बिजों ! बेखौ जों बयबो फोथायो !!

नाथाइ, जोबोद दुखुनि बाथ्रा …! भारत हादरनि संबिजिथनि 8थि फारिलाइयाव थिसनजानाय बर’ रावनि बिजाबफोर अंगनवाडिनि थाखाइ दिनैनि बे समसिम गैफेरा आरो बेनिथाखायनो, अंगनवाडि थावनिफोराव बर’ रावजों फोरोंनायनि आदब आरो राहाफोराबो जाथाव जानानै गैया । बेफोर जेंनाया बर’ हारिनि थाखाइ फिसायैनो जोबोद गेदेर ! मानोना, बेयो सासे गुबै बिमानि गोर्बोनि गोदैसिन रावजों बिमाखौ रायदावनो सोलोंजेन्नाय गथ’ समनि साबसिन आरो देरसिन गोथार थासारिनि समाव सोरबाया खुगायाव खैला दौनानै बबा खालामना दोन्नो नाजानायजों समान … !

बेनिखायनो , बर’ बिमानि गोर्बोनि गोदैसिन रावखौ जों, माब्लाबाबो बिदि हालदाव खोख्लैनो हाया होन्नानै — अंगनवाडिनि थाखाइ बर’ रावजों अंगनवाडि थावनिफोराव फोरोंनाय खालामनो बर’ राव बिजाबफोरनि गोनांथि जानायखौ सुफुंनो थाखाइ बर’ बिजाब दिहुन्नाय आरो फोसावनाय खालामनो — खौसेथि बड’आफाद / United Bodo Organization निफ्राइ दाबि खालामनो 5/8/2025 खालारखालि– बड’लेण्ड, बाक्सा जिलानि मानिनां, D.C.नि जोहै आसाम सरकारनि मानिनां गिबि मन्थ्रि ड: हिमन्त बिस्व सर्मा बिथांनिसिम गांसे आर’जलाइ दैथायहरनाय जायो — ।

बे आर’जलाइ दैथायहरनाय समाव दंमोन — खौसेथि बड’ आफाद / United Bodo Organization मानिनां आफादगिरि : अनिप बसुमतारि , बारग’ MCLA, BTC , नेहाथारि : फुलेन चन्द्र बर’ , सोद्रोमा : बानि कान्त बसुमतारि आरो धर्म कान्त बर’ बिथांमोन

APDCL / आदानिनो हा होनायखौ बन्ध खालाम : UBO

13/6/2025 : बे मख’जानाय खालाराव खौसेथि बड’ आफाद / UBO: United Bodo Organizationआ बुंनाय जादोंदि–

BTC/LR/803/2025/18 DT.19-04-2025 नि जोहै, APDCL नि थाखाइ हा होनायनि Allotment Order दिहुन्नायखौ BTC आरो आसाम सरकारा बोखांना लाफिननांगौ होन्नानै बाक्सा जिला D.C. नि जोहै, आसामनि गिबि मन्थ्रि , राज्यपाल आरो BTC नि गाहाइ खुंगिरि बिथांमोननिसिम गांफा-गांफायै आर’जलाइ दैथायहरनाय जायो — ।

बे आर’जलाइ गथायनाय समाव जयै दंमोन — खौसेथि बड’ आफाद / UBO: United Bodo Organization नि मानिनां आफादगिरि : अनिप बसुमतारि , नेहाथारि : फुलेन चन्द्र बर’ , उदय बसुमतारि आरो गायसनगिरि मावफुं सोद्रोमा : बाने कान्त बसुमतारि बिथांमोन !

लोगोसे बुंनाय जादोंदि —

बे ख्रां-ख्रां सान्दुं ; सहायथावयि गुदुं आरो आबाद गायफुनाय – फुफुनाय दैज्लां बोथोरनि समाव आजोला रायजोफोरखौ पुलिस गोहोजों गादबनाय खान्थि बाहायनानै दबथायनो नाजानाया इनाय जादों आरो बेबादि थासारि सोमजिहोना गोब्राबाव खोख्लैना राइजोफोरखौ गाबगु-खुगु खालामहोनाया सुबुंखान्थि बेरेखा आरो बेयो जोबोरैनो इनाय जादों, आरो बेबादि थासारिया खौसेथि बड’ आफाद / UBO खौ गोजोन गैयि गोथौ दुखु मोनदांहोयो आरो आथिखाल सरकारा गावनो – गावनि गुबै गोजोन खौसेथिनि मोन्थोर आवरायनायाव आवबा लानांनाय मोन्दांथि होदों — !!!

9/6/2025 : मख'जाय बे खालाराव खौसेथि बड' आफाद / UBO: United Bodo Organizationआ बड'लेण्ड , रुपसि मौजा, बग्रिगुरि रेभेनिउ बेंखन खुंथाइनि सिङाव थानाय --

1/ Paglijhora pt- I , pt- II ,
2/ Dukisukijhar pt – II ,
3/Dukisukijhar pt – III ,
4/ Mowamarijhar , बेफोर गामि हानि सायाव सोमजिनाय जेंनाखौ खौरां लानो नायदिंनाय आरो बेनि थागिबि मानसिफोरनि हालोदखौ मिथिनानै लानो थाखाइ नायदिंनायजों लोगोसे रायजोफोरजों लोगो हमलायनानै सावरायना फैनाय जायो — !

बेनि गासै थासारिखौ हमदांहानायनि उनाव खौसेथि बड’ आफाद / UBO: United Bodo Organization आ बेखौनो बुंनाय जायोदि —
The entire area is under notified 6th Scheduled Tribal Area under the BTC 6th Schedule to the Constitution of India ( Amendment ) Act. 2003 under Art. 244 ( 2 ) of Constitution of India. The land right of the aforesaid 3000 bighas of land is reserved for Tribal inhabitants as a means of livelihood and achieving material advancement under this Act.

बेनिथाखायनो, BTC आरो आसाम सरकारा Land Allotment order for APDCL by BTC/LR/8O3/2025/18 DT. 19-04-2025 नि गेजेरजों
हा होनाय आरो लानायनि राहा खालामनायखौ थाबैनो बन्ध खालामनांगौ होन्नानै , खौसेथि बड’ आफाद/ UBO: United Bodo Organizationआ रायजोनि जानानै गोख्रों दाबि खालामो — !!!

बे नायदिंनाय हाबाफारिआव
दंमोन — खौसेथि बड’ आफाद/ UBO: United Bodo Organization नि आफादगिरि : अनिप बसुमतारि , गाहाइ नेहाथारि : मोखथां नार्जारी , हारिमु नेहाथिरि : बल’राम मुसाहारी आरो सोद्रोमा : दिके बसुमतारि ।

केशब नोगोर सान फालिनाय -

13 दिसेम्बर, 2024 : बे साना मावथि जोहोलाव मुंख्लं : केशब बसुमतारि सान : केशब नोगोर सान ! बे सानाव आं दिनै बैसोर जोलावफोरखौ गोसोखाङो — जाय बिथांमोना बे क’क्लाबारि हालामाव जोनोम मोन्दोंमोन ; फारियै क’क्लाबारि गामि गायसंगिरि —
” लावसोम खावसोम आवसोम ” फोलेरसानि गेजेराव जोनोम मोन्नाय मुंदांखा समाज सिबियारि : म’ल’ चरन ब्रह्म, जगेन्द्र नाथ बसुमतारि, पनचानन ब्रह्म, मुंदांखा सैरे फाला नि फावखुंर : सैरे ( फुखु नार्जारि ), मुगानि आगदारि : बानेस्वर बसुमतारि बिथांमोना बे क’क्लाबारि हालामावनो , बे गामि गंसेयावनो , बे थिलियावनो जोनोम मोनदोंमोन आरो हारि दानायनि बाजोना / थालिमखौ बे क’क्लाबारि निफ्रायनो होदोंमोन !!!

क’क्लाबारि हालामनि बे ” फथा दैसा सेर – सेर ” जोनोम मोन्नाय जोहोलावफोरनि हारि दानायनि दाहारा बोहैलांबाय-थाथों दुलाराइ बर’ हारिनि गेरेमसा हारिमा दानायनि गुवार लैथोसिम — !!!

बे बड’लेण्डआव गुवार थिलिनि खाबुखौ जोंनो होदों — जोंजों दिनै गोसोखांजानाय बैसोर जोंनि आंगो जोहोलाव बिथांमोना …. !

बेनिथाखाइ, बिथांमोन्नो दिनै खुलुमनाय बाउहरो — !!!


बे बाथ्राखौ बुङो — बड’लेण्ड, क’क्लाबारि नि केशब नोगोर आव — मावथि जोहोलाव मुंख्लं : केशब बसुमतारिनो बिबार बाउनानै बिबुंथि होनाय समाव —
बड’लेण्ड नि Ex MCLA अनिप बसुमतारि , UBO : United Bodo Organization नि आफादगिरि बिथांआ !!!

Ex MCLA अनिप बसुमतारिआ आसामनि मानिनां, गिबि मन्थ्रि : ड: हिमन्त बिस्व स्वर्मा बिथांखौ लोगो हमदों -

थांनाय 28/11/2024 इं खालाराव Ex MCLA अनिप बसुमतारि बिथाङा आसामनि मानिनां, गिबि मन्थ्रि : ड: हिमन्त बिस्व सर्मा बिथांखौ गुवाहातिनि दिसपुराव लोगो हमनानै बड’लेण्ड, क’क्लाबारि समष्टिनि हजुवायाव थानाय — ” म’ल’ चरण ब्रह्म क’क्लाबारि दिन्थि नेर्सोन सावस्रि फाहामसालि ” आव थोजासे डाक्टर, नार्स आरो बिफानारि हान्जा थिसन्नाय खालामनानै,थाबैनो बेखेवना होनो गोसोखां आर’जलाइ गथायो आरो हालामाव आंखाल जानानै थानाय गामिब्राइ थिसन्नाय खालामनोबो आर’जलाइ गथायो – ।

मानिनां, ड: हिमन्त बिस्व बिथाङा रायलायनाय लोगो-लोगोनो गांन्नैबो आर’जलाइनि आयदाखौ सुफुंनो थाखाइ बिफानारि बिथोन होनायखौ Ex MCLA अनिप बसुमतारि बिथाङा जोबोद गोजोन्नाय फोरमायो !

आथिखालाव– ” म’ल’ चरण ब्रह्म क’क्लाबारि दिन्थि नेर्सोन सावस्रि फाहामसालि ” बेखेवनाय खालामनो थाखाइ रायलायनाय अखानायै निफ्रायनो बिफानारि मावदाङायसा बिथांमोना खामानि मावनायाव जोबोद मुखुबयै नांथाबगासिनो दं आरो सावस्रि बिफानारि निफ्राइ, मिथिहोबावनाय बादिब्ला, बिथां मानिनां, गिबि मन्थ्रिआ 2024 , दिसेम्बर नि 2थि सप्तायाव बेखेवनाय जासिगोन ।

आसामनि मानिनां, गिबि मन्थ्रि: ड: हिमन्त बिस्व सर्मा बिथांखौ लोगो हमनाय समाव Ex MCLA अनिप बसुमतारि बिथांजों लोगोसे दंफायोमोन — ड: ह्रिदय पाठक ।।

बड'लेण्ड, केशब नोगोर नि क'क्लाबारि आन्चलिक रास फोर्बोआव -- हांख्रायजानाय आलासि महरगिरि महरै -- UBO नि हारिमु नेहाथारि : मुस्रि बल'राम मोसाहारि बिथांखौ क'क्लाबारि आन्चलिक रास महोत्सव उदजापन क'मिति नि नेहाथारि बिथाङा बरायनाय सावमु ...!!!
खालार :-  18/11/2024 इं ।

UBO नि गुदुं मस्ला दिन्थिफुंनाय :

बड’लेण्ड, केशब नोगोर नि क’क्लाबारि आन्चलिक रास फोर्बोमानि हाबाफारिआव बादायलायनायनि बान्था रान्नाय समाव UBO: UNITED BODO ORGANIZATION नि आफादगिरि : अनिप बसुमतारि बिथांखौ नुनो मोन्नाय जादों — ।
लोगसे : बिनन्द मुसाहारि, बारग’ फोरोंगिरि एन के गोजौ फरायसालि, क्लार्क, क’क्लाबारि सा. सीनियर गोजौ फरायसालि, लहीत सवरगिरि, नेहाथारि, क’क्लाबारि आन्चलिक रास महोत्सव उदजापन क’मिति आरो समाज मावथि — सर्मा ब्रह्म ।

* बान्था दान होगिरि : फैला जे. बरगयारि ।
* 1थि बान्था – 5000/
* 2थि बान्था – 3000/
* 3थि बान्था – 2000/
खालार : 19/11/2024 इं ।

ABSU नि गिबि आफादगिरि : मुगानि आगदारि बानेस्वर बसुमतारि नि अनजालि बिसि : फुलेस्वरी स्वरगियारी, बिथांजोआ बड'लेण्ड नि केशब नोगोर, क'क्लाबारिआव UBO नि गुदुं मस्ला दिन्थिफुंनाय हाबाफारिखौ बेखेवनानै होनाय समाव -- गावनि जिउ मोखथाङावनो समनि मोन्दांथिनाय दुखु फोरमायनानै आवरायनाय दोंसे खन्थाइ --

खन्थाइ नि मुं —

** जिउनि बेलासि बुब्लियाव **

(फुलेस्वरी स्वरगियारि 15/11/2024, फुंनि 8 रिंगा)

नै रुंसारि आगदारि नों मुगानि ,
नोंनो आंनि थैस’ थांस’ लोगोरि ।

नोंनि सायख्लंयाव आं माबोरै जिरायबावगोन,
गैया माथो गोजोन बोथोरनि सुदेम बारहावा
नों थेलांनाय बान्दोआ बायलांनो हमबाय ।

नोंनि उनजोलै फिसा आरो आं
दिनै जानांदों हालाय-हाफाय —

बुंनाय बाथ्रा गोर्लै नङा ,
नै जिउनि लोगोरि नों आगदारि —

हागोनदा आंखौ-फिसाखौ रैखाथि होनो ??
गले गले सोंहरगोन आं नोंनियाव,
नों बबेहाय दं ? नों बबेहाय दं ??
सोरगोआव ना फाथालाव, सध्यमाव ना हादाबाव ;
मोनदोंबोला नों मान बान्था !

हाय, दिनै आं गसंनांगोन,
कानुननि दंफांनि फिनज्रायाव ।।

हागोनदा नों आगदारिनि मासियाव थानानै ,
बिजिरनो आंखौ गोथारै जास्तिस होनो ?

बोरै जाखो जिउनि लोगोरि !!!

जाथाय हरखाब खैफोद —

बबेनिफ्राय सोमजिदों लाजिथाव, मुगैथाव, सोनखारिथाव
सं दानगोनदा मुगानि आगदारि नोजोरजों ??
नोंनि जोलैखौ ? जोलैखौ ?? जोलैखौ ??

हे बिमा माहारि बिजिरनाया नोंसोरनि आखायाव ?

बि मोनारोम बिमानि आरो फिसानि –
सैथोनि लामाजों दांग्रोम-दांग्रोम,
बै हरनि जि रिंगासोनि ड’ नबेम्बर बुधबारायनि ।

दुथां आखुजों साजा होग्रा मा दायनि ?

बोरै मोनखो आइनखौ आखायाव गाव लानो ??

सरकारनि न’खथायाव दुथांयै जिउ लानायनि आवाज !!

नै बिमा माहारि, नै दैदेनगिरि —
खर’गंग्लायै खुथारै आरज आंनि,
थार बिजिरनाय मोन्नायनि,
बर’हारिनि गुबुंग्ले आबाहावाया गोथार जानायनि ।

दहाय, आफा बोराइ बाथौ- दहाय !

फोथायारि सोद्रोफोर आरो जायगानि रायजोफोरखौ हाबाफारिआव बाहागो लाफैनो थाखाइ बयखौबो खावलायो - UBO

बर’फोरनि सिमां : गेरेमसा हारिमा दानाय :

- इब’ सानस्रि बड'सा

 मोनफ्रोमबो गोथां हारि आरो समाजहानो गावबा-गावनो थांना थानायनि सिमां थायो । जाय हारि आरो समाजहा सिमां गैजारोङा बिसोरखौनो गोथैजों समान होन्नानै

बुंजायो –  ।  बर’फोरनि सिमां होननानै बुङोब्ला – 

गेरेमसा हारिमा दानाय ; बेनो बर’फोरनि सिमां ।

मोनसे हारिनि सिमाङा ओरैनो जाफुंसारा । बेखौ गोब्राब नाजाथाबनायनि गेजेरजोंसो बेनि गोथों लामाखौ मोननो हायो ।  बे लामायानो जादों गोलाव जांख्रिथाइनि  लामा ।

बे लामाजों जाफुंसार दैदेनलांनांगौआ आरोबाव गोब्राबसिनबाव । बेनिखायनो, बे लामानि हान्थियारि दैदेनगिरिया गोख्रों गाव फोथायथिगोनां जानाया गोंनाथार ।

बर’फोरनि सिमां : गेरेमसा हारिमा दानाय ।

बे गेरेमसा हारिमा दानाय सिमांखौ जाफुंसारहोनांगौ जायोब्लानो बड’लेण्ड आलादा हादर सोरजिनांगौनि बाथ्रायानो सिगां फैयो ।  मानोना, बेनि अनगा बर’फोरनि थाखाइ जाथावबो नंखाया ….!

 “ बड’लेण्डआ जादों बर’फोरनि थाखाइ मोनसे गोहो बिन्दो …!  जाय बिन्दोआ गेरेमसा बर’ हारिमा दानायनि गोसारहोग्रा गोहोनि गुदि सोरखि / Gearing Power. “

बेनिथाखायनो , बे बड’लेण्ड सानस्रिखौ गोख्रों खालामनो जोंनि दाब-दाब जायगानि गुबुन-गुबुन .मख’जाथाव आफाद, साफ्रोमबो दैदेगिरि आरो मावथि सुबुंफोरहानो बायदि गेदेर आरो  फिसा, गुबुन-गुबुन आफाद ; थेवबो खौसे सानस्रि ; खौसे बिथांखिजों गोरोबथाइनि फिथाइ थायहोनो नाजानाय थांखि थानांगोन ।

 एबसु : दुलाराइ बर’ फरायसा आफाद ;दंमोनब्लाबो आथिखाल मोखथाङाव बेबादि थांखि गोनां बर’फोरनि गेजेराव थानाय उदां आफादफोर मोननो गोब्राब होन्नानै बुंजायो । नाथाइ, आथिखालाव–   खौसेथि बड’ आफाद / UBO: UNITED BODO ORGANIZATIONखौे बायदि गेदेर आरो फिसा, गुबुन-गुबुन आफाद; थेवबो खौसे सानस्रि ; खौसे बिथांखिजों गोरोबथाइनि देंखो बोनो आरो बेनिथाखाय खामानि मावनो नाजागासिनो थानायखौ नुनो मोननाय जादों –  !  बेबादि खामानिया बर’फोरनि थाखाइ बाख्नायजाथाव आरो बरायजाथाव –  ।  बेनिखायनो,बेखौ बयबो बरयनाया गाहाम ! 

नाथाइ, आथिखालाव मानसिफ्रा सा-साज्राङै नायनानै बांसिन सुबुङानो राजखान्थि सानस्रिजोंसो बांसिन दाजाबथाइ नोजोर लानानै बर’फोरनि राजखान्थि हान्जाया ज’ जाब्लानो खौसे जायो होन्नानै बुंनो नाजायो । नाथाइ बिदि नंजोबा ; जानो हाया । मानोना, राजखान्थि हान्जाया गोहो लानानै खुंथाइ गोहोआव फैनो नाजानायानो बिसोर दैनगिरिफोरनि गुबै सिमां ! नाथाइ, हारि मोनसेनि बायदि गेदेर आरो फिसा समाजारि आफादफोरनि सिमाङानो जादों–  गुबै हारि आरो समाज दानायनि थांखिजों दावगानाय ।

बेनिथाखायनो, बर’ हारिया खौसे जानांगौ होनब्लाबो राजखान्थिआव थारैनो गोरोबथारनाय ओंथिखौ आबुं खालामनो हानाय नङा । नाथायबाहले, हादरारि हारिमायारि हान्जाफोरखौ दोनथनानै हालामारि हान्जाफोरा ज’ खौसे जानांगौ होन्नानै बुङोब्ला गोरोबथाव जाथ’यो । थेवबोबा, बेयावनो राजखान्थियारि मासि आरो गोहोनि बिगुमानि थाखाइ सानजाद खालामनाय आरो बिगुमानि रानसारनाय फिथाइखौ सेलायलायनायजों गावस्रानाय थाबावगोन ।  बेनिथाखायनो, बुखावनानै सामलायनायजों देरहाबायथानाय आरो गोहोजों सामलायनायानो सासे नंगुबै राजखान्थिगिरिनि देरहासारनाय होननानै बिदि आदबखौनो राजखान्थिगिरिफोरा राजखान्थि होन्नानै बुङो ! नाथाइ, बेबादियानो राजखान्थि नंगौब्लाबो बेयो गुन गैयै राजखान्थिसो ;थार गुबै राजखान्थि नङा । थार गुबै राजखान्थिआनो जादों –   हादर आरो फोर्जानि गेजेराव गोजोन,खौसेथि आरो समान दावगानाय लाबोनो सामलायनाय आदब ; बेनो राजखान्थि !!! आरो बेनो गुन गोनां राजखान्थिजों हादर खुंनाय आदब –   राजखुंथाइ !!!

बेनिखायनो, हारि मोनसेनि गेजेराव राजखान्थियारि खौसे जानायाव हमथाबनानै थायाबालासिनो हारिमायारि गुबुन-गुबुन बायदि गेदेर आरो फिसा समाजारि आफादफोरनि खौसे सानस्रि ; खौसे बिथाखिजों जथाइ खामानि मावनो लानायजों, गेरेमसा हारिमा दानायनि आबुं जांख्रिखांनाय आदबजों, बड’लेण्ड दाफुंनाय खालामनो आवगायनांगोन ! आरो बेनिथाखायसो राजखान्थि हान्जाफोरखौ खामानि मावनो गोनांथिथार (बाध्यता) खालामनो हानांगोन । बेसो बर’फोरनि थाखाइ गेदेर आदब; राफोद बेवालि सोंथेनाय राहाजों देरहासारनाय लाबोना होफैनो हागोन होन्नानै सानजायो ….!! बेनिथाखायनो ,बड’लेण्ड / आसामनि आथिखाल राजखान्थियारि मोखथाङाव बेबादिजोंसो जायखिजाया राजखान्थि हान्जाखौ गंग्लायहोनो जे सारनाय खालामनांगोन । अब्लासो बर’फ्रा देरहागोन आरो गेरेमसा हारि दानायनि सिमांखौ मावफुंनो खाबु जागोन । बर’फ्रा आथिखालाव बेबादि खाबु लायाब्ला, खाबुफलान , थगायसुला दैदेनगिरिफोरजों

“ खौसेथिनि मुहिनि “ मुं फालाजों सायनासालिआव मोसाहोजाबायथागोन ! 

बेनिखायनो, जों सांग्रां जानायनि जोबोद गोनांथि दं – !

मानोना,जोंनि सिमाङा गेरेमसा बर’ हारिमा दानाय ….!

  • गेरेमसा बर’ हारिमा दानो –

 बड’लेण्ड दाफुंनायजों लोगोसेनो समान-समानयैनो गाव हारिनि जौगा राव-थुनलाइ आरो सोलोंथाइ बिजों फरायाव हारोंथाइ जौगाहोनायाव गोख्रों गोनांथि होनानै खामानि मावनाय !

  • जोंनि आलादा बेसेन गोसा बर’ हारिमुखौ बुहुमनि जौगा थाखोआव लांनो फोसाबनाय ,फेहेरनाय आरो फोसावनाय खालामनो गोब्राब खामानि मावनाय !
  • बाथौ फोरबो बिथांखि सोरजिनायनि गेजेरजों समाजनो बायदि मदद होनाय !
  • समाजाव बर’ समाजनि खान्थिजों गामि खुंथाइ आफादनि खुंनायखौ गोख्रोंथि खालामनाय ।
  • रांखान्थि बिथिङाव जौगानाय लाबोनो दोरोङारि न’खर दारिमिन दिहुनथाइमुफोरखौ फालांगि खालामनायाव बहुमनां फोनांजाब खालामनो थुलुंगाखां मदद होनाय ।
  • दावबाय दारिमिन फौजौखांयनि मुङाव –   मानासलेण्ड बिथांखि सोरजिनाय !
  • हारि आरो हादरनि मोजांनि थाखाइ साफ्रोमबोनि हारोंथाइ सुबुं गोहो सोबख’नाय आरो बाहायनाय !
  • बर’ सुबुं सोदोमस्रि गायसन्नाय आरो जारिमिन संरैखाथिनि राहा खालामनाय ।
  • मिथिंगायारि अनसायनायाव गोसो होथाबनानै खामानि मावनाय !

बेफोरबायदि खामानि मावनो,आबुं जांख्रिखांनाय लाबोनो, मावसोमग्रा आरो बाउसोमग्राफोरनि आफाद आरो  UBO: United Bodo Organizationनि सानस्रिबादि खामानि मावनो सुबुं थायोब्लानो बर’फोरनि सिमां : गेरेमसा हारिमा दानाया सानसेब्लाबो जाफुंसारगोन ………!!!

BTR CO-ORDINATION , ALL ASSAM TRIBAL SANGHA नि 1थि नोगोरारि जथुमाव होनाय UBO नि बिबुंथि --

B.T.R. CO-ORDINATION COMMITTEE, ALL ASSAM TRIBAL SANGHA नि आवथायाव खुंफुंनाय ट्राइबेल नोगोरारि जथुम्मानि सामलायगिरि मानाव गेदेर मासिगिरि आरो मानिनां सोद्रोमा नोंथांमोन ,

आं, बेयाव सावरायनो लानाय आयदाफोरनि सायाव थोंजों आरो गोथोङै,सुंद’यै नोजोरजों थिफायसन्नाय बिबुंथि होनो लायोदि– B.T.R.नि आवथायाव थानाय ट्राइबेल बेल्ट आरो ब्ल’कनि बेदखलकारी आरो बेआयेनीयै हाबसन्नानै हाबसोमना थाग्राफोरखौ आयेनजोंनो होबथानो आयेना जोंनो खाबु होदोंसै ! बे खाबुखौ लानायाव जों फेलें थांगारदों आरो फेलें थांगारनाया जोंनिनो थोंजों रोखा लोरबांथि मोन्नै बिथिङाव नुजादों ! बेफोर जादों — गौथुमारि लोरबां स्थिती आरो सुविधाजनक राजखानथियारि गोहोजों गंग्लायसोमनाय । जायनि थाखाय दिनैसिम जोंहा ट्राइबेल बेल्ट आरो ब्ल’क बेदखलकारीफोरनि सायाव हाइकोर्ट नि राय आरो नोटिफिकेशन थासेयावबो जेबो खालामनो हायाखै।

मिजु बसुमतारि
Co-Ordinator

बेनिथाखाय जों, खौसेयै बिग्रायखांनांगोन आरो B.T.C./ B.T.R नि जोहै SIXTH SCHEDULED नि Power & Function फोरखौ बाहायफुंनायनि मुङाव Powerआव थानायफ्राबो Logical Political Movement जों गोथार जुजिथाबनाय खालामनांगोन !

2/ ट्राइबेलफोरनि हाखौ ट्राइबेल नङै सुबुं आरो ट्राइबेल नङैफोरनि जायखिजाया आफादनि मुङाव हा दान होनाय आरो चिता मुं दिखांनायखौ होबथानाय आरो SIXTH SCHEDULED Areasआव थानाय माखासे जेरै — धोन-फुंखा , हाजो-हाला, हा, दै,सुनै,मनि-मुक्टा,सन,रुफा,जिं,लहा,तामा,दैमा-दैसा,बिलो, हाख’र-हाला, जामफै, बाला,अन्थाइ , सीमेंट, खैला,सना, बार,गांसो,बिफां-लाइफां आरो बायदि गोनां मुवाफोरनि बिगुमाया ट्राइबेल आरो ट्राइबेलफोरनि खुंथाइ समाजारि आफादफोरनि जोहै नङाबा बाहायनायखौ होबथानाय जाथों !!
नङाबा, बिग्रायखांनाय जाथों !!!

3/ B.T.C. / B.T.R.नि आवथायाव खुंथायारि N.C. गामिफोराव थानाय ट्राइबेल सुबुंफोरजों आवग्रिजाखानाय हा बाहागोखौ बिगोमाफोरनो मुं दिखांना होनो थाखाय सरकारखौ खौसेयै नारसिन्नाय जाथों !!

4/ हाग्रा ओनसोलाव थानाय ट्राइबेलफोरनो Forest Dwellers Act., 2006 नि जोहै थाबैनो जिला आरो गुदि ट्राइबेल संघफोरखौ लाफानानै हा बिगुमाफोरनि मुं दिखांनानै होनो सरकारखौ नारसिन्नाय जाथों !!!

बाथि एबा जोबथिआव सरन, सरनीयाफोरा मुंखारि एबा उपाधिखौ हारि फोरमायथिनायनि मोनसे गुबै सिनायथि महरै हमना लानो गावबा-गावनि गुदि कसारि / बर’ कसारि / राभा कसारिनि उपाधि लानानै S/T फोरमानलाइ लानो ; दिनैनि नोगोरारि जथाइ जथुम्मानि गेजेरजों खावलायनाय जाथों !!!

लोगोसे, आसाम सरकारा केबिनेट बिथांखि लानायनि गेजेरजों सरन, सरनीया उपाधिनि सायाव होनाय नोटिफिकेशन / निर्देश पत्रखौ नायफामफिन्नाय खालामनानै गावबा-गावनि गुदि/ आदि/ मूल, बर’ कसारि नङाबा राभा कसारिनि सिनायथिजोंनो ट्राइबेल S/T फोरमानलाइखौ लाहोनो गोदानयै फोसाबफिन्नाय जाथों होन्नानै B.T.R. CO-ORDINATION COMMITTEE, ALL ASSAM TRIBAL SANGHAआ आसाम सरकारखौ B.T.C/B.T.R.नि जोहै नारसिन्नाय जाथों !!!

नङाबा, बड’लेण्ड/आसामाव 6था हारिसाफोरनो गोदानयै S/T गनायथि होनायनि ओंथि सुफुंहोनायजों समान जानायबादियानो जागोन !!!

एसेनोसै ! गोजोन्थों !!!

मिजु बसुमतारि
Co-Ordinator
बड’ खौसेथि आफाद
बां-जिलायारि गेजेर खोन्दो
United Bodo organization.

खालार :- 17/7/2024
जायगा :- कजलगाव ।

HEALTH CAMP : Dr. Nature:

22/6/2024 : बड’लेण्ड, क’क्लाबारि नि केशब नोगोरआव — ड: नेसार ; दैदेगिरिफोरनि दैदेन्नाय आरो UBO: United Bodo Organization नि हेफाजाबाव बेसेन नाङै Health Camp ,
Dr. Hriday Patak नि जोथोन लानायजों गोजौआव मख’जानाय खालारखालि जोबोद मोजाङै-मोजां खुंफुंजानाय हाबाफारि
जानानै थाङो — !

बे हाबाफारिआव खौसेथि बर’ आफादनि बोसोनगिरि ,गोख्रों समाज सिबियारि आरो खन्थाइगिरि — हरिहर ब्रह्म आरो UBO: United Bodo Organization नि आफादगिरि — अनिप बसुमतारिआबो बाहागो लानानै हाबाफारिखौ समायहोनायजों जाफुंसार खालामो — ।

मख’जाथाव बाथ्रादि , क’क्लाबारि हालामनि मानसिफोरा बेबायदि हाबाफारिनि गेजेरजों जुब्रिया जानाय आरो लोमजानाय सावस्रिखौ जोथोन लानायनि खाबु होनायनि थाखाय बयबो गोजोन्नाय फोरमायदों — !

आहमेद आली बांस्कांडी " बान्था मोनगिरि : तरेन बर' गेदेमानो गाहाम हामब्लाइनाय : UBO: United Bodo Organization

----तरेन बर----

18/6/2024 : देग्लायनि बे बोसोराव — हादाबसायारि थाखोनि मुंदांखा — “आहमेद आली बांस्कांडी ” मान बान्थानि थाखाय सायख’जादों — बर’ थुनलाइ आफाद नि मानिनां बारग’ आफागिरि, थुनलाइगिरि — तरेन बर’ बिथां गेदेमाया ! बिथां गेदेमाखौ बे मान बान्थानि थाखाय सायख’नाय खौराङा …. जों, UBO: United Bodo Organization खौ गोजोन होदों आरो बेनिथाखाय बिथां गेदेमानिसिम अरायनि बरायनाय आरो साबायखर बाउहरनाय जायो–!!

बिथां — थरेन बर’आ सासे मुंदांखा थुनलाइ , समाज आरो हारिमु सिबियारि गेदेर मानसि !

बे — “आहमेद आली बांस्कांडी” हादाबसायारि थाखोनि मान बान्थाखौ 20 जुन, 2024 खालार ; दरं फरायसालिमायाव खुंफुंनो लानाय बिस्नु राभा दिवस समाव बिथां गेदेमा — तरेन बर’नो बाउनो लानाय मानलाइआ गेवलांसारथों !!! बेनिथाखाय गोर्बोनि गाहाम हामब्लाइथिहरनाय जायो — !!!

बे बान्थाया गेदेमा — तरेन बर’नि हेफाजाबै बर’ हारि आरो समाजाव गोजोन , गोग्गानाय आरो थुलुंगानाय लाबोगोन ; जों फोथायो !!! बिथाङा आरोबाव देरहासारथों ; जों , UBO: United Bodo Organizationआ मिजिंथियो — !!!

साहित्य अकाडेमी बान्था मोन्नो हानाय - सेल्फ मेइड राणी बर' आरो भार्जिन जेक'पा मुसाहारी निसिम बरायनाय साबायखर :

5/6/2024 : भारत हादरनि सिङाव बड’लेण्ड नि बर’ थुनलाइगिरिफोरनिफ्राय बे बोसोरनि लाइमोन साहित्य अकाडेमी बान्था आरो गथ’सा साहित्य अकाडेमी बान्था मोन्नो हानाय ; ( फारियै — सेल्फ मेइड राणी बर’आ “सायख्लुम” मुंनि सुंद’ सल’ बिजाबनि थाखाय आरो भार्जिन जेक’पा मुसाहारीआ “बुहुमा बयनिबो” मुंनि खन्थाइ बिजाबनि थाखाय ) बिथांजोमोन्निसिम जों, UBO: United Bodo Organization निफ्राय बरायनायजों साबायखर बाउहरबाय !!! आरोबाव– बेजों लोगोसे बर’ थुनलाइ सोरजिनाय खामानिआव गोथौसिन नांथाबनायजों थुनलाइ सिबिनायाव अरायबो गोसो बाउसोमनायखौ जों, बिथांजोमोन्निफ्राय मोन्नो हास्थायनायखौ फोरमायबाय — !!!

लोगोसे, मोनफ्रोमबो हारिनि साहित्य अकाडेमी बान्था मोन्नो हानाय थुनलाइगिरिफोर बिथांमोनिसिमबो बरायनाय आरो साबायखर बाउहरबाय !!!

खौसेथि बड' आफादनि मावनो लानाय बिथांखिफोर : दाबि आरो खावलायनाय

26/5/2024 : मख’जानाय बे खालारखालि बड’लेण्ड नि सालबारिआव — UBO नि आफादगिरि अनिप बसुमतारिनि दैदेन्नायव — खौसेथि बड’ आफाद / UBO: United Bodo Organization नि बिफानारि मावफुं आफादनि गाहाइ बिबानगिरिफोरनि मोनसे गोनांथार जर’खा जथुम जानानै थाङो — !

बे जथुमनि गेजेरजों गाहायाव होजानाय बिथांखिफोरखौ फारियै आजावनानै लानाय जायो — ।

बिथांखिफोर —
—————-

* आसामनि दुधनैआव बोहैथि बे दाननि समावनो गाज्रि आखुनि गोसोजों सानै बर’ सिख्लाखौ जिनाहारि खालामग्रा — धन आलि टालुकदार, बाहर आलि, रहमान आलि आरो — हिरनमय खाख्लारिखौ बुथारग्रा — सेकबर आलि आरो पारमिना बेगमखौ गोख्रोङै सोनखारिनाय जायो आरो भारतनि आयेन बादियै फासिनि साजा होनाय जाथों होन्नानै दाबि खालामनाय जायो !

* बड’लेण्ड नि NC गामि आरो हाग्रायारि गामि हालामाव थानाय थागिबि ट्राइबेल सुबुंफोरनि हा-हु जेंनाखौ फोजोबनो थाखाइ मोन्थाय बादियै गावबा-गाव बिगोमानि मुङाव हा मुंदिखांनाय खालामहोनो थाखाइ खुंथायारि बिफाननिसिम गोख्रों दाबि खालामनाय जाथों !

* बड’लेण्ड आरो बर’फोरनि गेजेराव नुजानो लानाय बायदि जेंना- जेंसिनि सायाव नोजोर होनायजों बेफोरखौ मोजां हालोदाव लाबोनो थाखाइ नाजाग्रा समाजारि आफादफोरनो खुंथायारि मदद होनाय जाथों होन्नानै खावलायनो लानाय जायो !

* मोसौ फिनाय फार्मनि थाखाइ — गबिन दैमारिनो दिथागिरिनि बिबान होनाय जाथों !

* दानाय-लुनाय इसानसालिनि थाखाइ — रेखा बर’नो दिथागिरि आरो फोरोंगिरिनि बिबान होनाय जाथों !

* UBO नि आवथायावनो सरकारी रजिस्ट्रेशन नं गोनां ” बागुरुम्बा फिल्म स’साइटी ” नि मुङाव सुंद’-सुद’ सावथुन दिहुन्नानै फोसावनो लानाय जाथों !

* भारतनि सुबुंदारा खान्थिजों खुंजानाय जायखिजाया मोनफ्रोमबो बिसायखथिखौनो गोसोआव गोजोन-गोरलै लानायनि गेजेरजों सहायलायनाय थासारि सोमजिहोनो खावलायनाय जायो आरो बेजों लोगोसेनो 4/6/2024 इं खालाराव लक सभा बिसायखथिनि फिथाइ फोसावनाय समाव जेन्नाय आरो देरहानायखौ लानानै बाराद्राइ बोदोर जालायाबालासिनो गोसोखौ हमथालायनानै गनाथिलायनाय खालामनो बयखौबो खावलायनाय जायो !

* 2024 इं समाव जानाय भारतनि लक सभा बिसायखथि; बड’लेण्डआव देरहागिरि बिजाथि बिथांमोनखौ बरायनाय आरो देरहासार जायि बिजाथिखौबो UBO: United Bodo Organization निफ्राइ बोजबनाय खालामनो बिथांखि आजावनाय जायो !

खौसेथि बड' आफादनि आफादगिरि खावलायनाय --

20/02/2024 : बड’लेण्ड,सिरां जिलानि सापागुरिआव मख’जानाय बे खालारावनो खौसेथि बड’ आफाद / UBO: United Bodo Organization नि मोनसे गोनांथार दालाइ आफाद नि जथुसा जानानै थाङो — । बे जथुमसानि उनाव आफादगिरि — अनिप बसुमतारिआ मिथिहोनाय जादोंदि, आफाद आरो रांखान्थियारि अनसाइ बिथांखिनि गेजेरजों हारि आरो हादरनि मोजां खामानि मावफुंनो लानाय जादों । बेनिथाखाइ आफाद ,हारि आरो सुबुं समाज अनफावरि साफ्रोमबो मानसि मानिनां बिथांमोननिफ्राइ हेफाजाब मोन्नो हास्थायदों आरो खावलायदों !

2थिआव — हारि आरो गावनि हा रैखाथिनि थाखाइ बड’लेण्डखौ खौसेयै बेंनाय आरो बेनिथाखाइ खौसेयै खामानि मावनो बयखौबो खावलायो ।

3थिआव — 2024 मायथायाव भारत हादराव जानोगोनां लक सभानि फैगौ बिसायख’थिनि थाखाइ बर’फोरनि गोबां आफाद, गोबां हान्जानिफ्राइ बायदि मोखांनि गोबां बिजाथिफोर थानो हागौ; थेवबो जोंनि भ’तखौ जोंनि गुबै बड’निफ्रायनो फैनाय देरहाथाव सोरबा बिजाथिनि थाखायसो जयै स’ होनाय खालामनांसिगौ होन्नानै बयखौबो बेनिथाखाइ खामानि मावनो खावलायो !!!

UBOनि सावथुन दिहुन्नो लानाय मावबिथांखिखौ मोजां मोन्नानै फोथायारिफोरा जायगायावनो गासै 45 रोजा रां दान होनाय मोन्नो हादों !

14/01/2024 : बेयाव मख’जानाय खालारखालि खौसेथि बड’ आफाद / UBO: United Bodo Organization नि बानजायनायाव,भारत आरो भुतान हादरनि गेजेराव थानाय — बड’लेण्ड,सिरां जिल्लानि हा गोसोम/कालामातिआव इंराजि गोदान बोसोरनि रंजानाय आरो मागो दमासि जानायजों लोगोसे बे बोसोरनि 1थि जखन्थाइआ जोबोद मोजाङै-मोजां जानानै थाङो — !

* बे जखन्थायाव सावरायलायनायनि गेजेरजों बड’ हारिमानि गेजेराव नुजानाय बायदि जेंना-जेंसिखौ फोजोबनो थाखाइ गुबुन-गुबुन आफाद आरो राजखान्थियारि आफादफोरखौबो गावबागावनि जायगायाव थानानैब्लाबो हारिनि थारगुबै एखे आयदाखौ सुफुंनानै लानायाव जयै खामानि मावनो बयखौबो खावलायनाय जायो ।

* मख’नो गोनां बाथ्रादि,बे जखन्थाइआव बिजनी नोगोर आफाद ( बिजनी टाउन क’मिति ) नि मासिगिरि — गुनेस्वर गयारि बारग’ एम. सि. एल. ए. बिथाङाबो बाहागो लानानै बेसेन गोसा बिबुंथि लाखियो — ” गासैबो जाथायानो समनि मिथिंगायारि, जिउ जिबिनि जोनोम,आफादनि जोनोम आरो समजों लोगोसे सोलायनायाबो मिथिंगायारि; बेफोर गासैबो मोजां साबसिननि थाखायनो जायो ! बे खौसेथि बड’ आफाद / UBO: United Bodo Organization जोनोम जानायाबो बेबादि मोजांसिन मावनो दाजानाय आफाद । बे आफादआ दिनै आंनि बिजनी आरो सिदलि सिरांनि कालामातिनि भुतान/ गंगार हाजो आरो इन्डिया सिमानि गेजेराव जिराफैनाय जखन्थायखौ आं बरायनाय जाबाय आरो इयुनाव मदद होलांबाय थागोन ।

बिदिनो सोलायनायजों गोजामा थांगोन, गोदाना फैगोन ! जायगाया मोनसेयानो,थाबानाय आरो मावनायाबो बे जायगायावनो नाथाइ, मावनायाव माब्लाबा सौग्रावलायनायजों सोलायनाय फैयो । बेयावनो गोदान जोनोम जायो ! लामायाल’ गुबुन-गुबुन । बे लामाजोंबो बे मोनसे जायगायावनो सौहैयो , होन्नानै बिथां गुनेस्वर गयारि, बारग’ एम.सि.एल.ए.आ बिबुंथियो– !

* बे जखन्थायावनो — दिल्लीनिफ्राइ बुद्ध फेलोशिप नेशनल एवार्ड,2023, मोन्नो हानाय, इउ.बि.अ.नि बोसोनगिरि,गोख्रों समाज सिबियारि — हरिहर ब्रह्म बिथांखौ बरायनाय जायो !

* बे गोदान बोसोरनि समावनो आसाम सरकार निफ्राइ फाथिनाय गुन उत्सवनि मुङाव 6 थाखोनि गांनै आयदानि सोंथिलाइआ बर’जों जायालासिनो इंराजि रावजों जानायखौ इउ.बि.अ.निफ्राइ गोख्रों हेंथा होनाय जायो आरो माब्लाबो बेखौ गनायनो हाया, गोनां जायोब्ला बेनि हेंथायै अरायबो गसंथेनायनि बिथांखि आजावनाय जायो ।

* जोबथिआव —
बे जखन्थाइ नि गेजेरजों बर’ सावथुन दिहुन्नायनि सोमोन्दै सावरायनानै बिथांखि आजावनाय जायो आरो बेनिथाखाइ जायगायावनो गोसो गुदुं फोथायारि सोद्रोमाफोरनिफ्राइ गासै 45 रोजा रां दान मोन्नो हायो !!

₹ रां दान होगिरिफोर —
1/ हरिहर ब्रह्म ।
2/ उदय गयारि ।
3/ हेमन्त बर’ ।
4/ निजोम खुंगुर मुसाहारि ।
5/ बुद्ध ब्रह्म ।
6/ हेमेन बर’ ।
7/ नयन बर’ ।
8/ 4grade D/R Dept. Mushalpur.
9/ राज बसुमतारि ।

* जखन्थायाव– बेखेवनाय मेथाइ रोजाबो — गोमबोर बर’ !
* बिबुंथि होनायजों लोगोसे मेथाइ रोजाबो — खन्थाइ-मेथायगिरि आरो मुंदांखा समाज सिबियारि — हरिहर ब्रह्म ।
* खन्थाइ आवरायजेनो — रेबगन राजा ।
* जोबथारनायाव — मेथाइ नि देंखो सुजुनाय बोना होयो — अनिप बसुमतारि !

* मख’नाय जायोदि,मागो दमासि नि जानाय खालामनाय समाव — सौराइ,ओंखाम,दाउ,अमा,ना,आलु,
कबि,गाजर,मुला,फान्थाव,बैगन बेफोरजों थेब्रे बोथिसे जाखांनानै जोबोद गोजोन-खुसियै बेलासिनि 4.45 रिंगायाव जायगा नागारनानै गावबागाव न’ फारसे फैफिनो — ।

* हरै गासै सा 36 सुबुंफ्रा जमा जादोंन !!!

बाथौ दोहोरोमारि बिजाब :

दामादामि मोन्नो हानायनि थं —
www.ubo.life (gooleआव थुना)
“Order Now” आव बिहरनानै नायनो थाखाइ बायना लानो हागोन …..!

बिजाबनि मुं आरो गावबागावनि आबुं थं लिरहरनो दाबाव — ।

बिजाबफोरनि मुं —

* बाथौ सोलेर सानथौ,
बेसेन 205/=
* बाथौ मुं सानथौ, बेसेन 225/=
* बाथौ मुंनि गुमुर, बेसेन 135/=
* बाथौ मुं थाथौ, बेसेन 180/=
* गोथार लाइ, बेसेन 60/=
* लाइमोन बैसोनि बाथौ गियान बोसोन, बेसेन 50/=
* अमृत बोसोन, बेसेन 105/=
* गोथार मंगल बाराइ, बेसेन 50/=
* सानथौवारी बाथौ गियान बोसोन, बेसेन

Order Now

भगवान बुद्ध फेलोशिप नेशनल एवार्ड - 2023, मोननो हानाय: UBOनि बोसोनगिरि हरिहर ब्रह्म बिथांनिसिम मान आरो साबायखर :

भगवान बुद्ध फेलोशिप नेशनल एवार्ड बान्था मोनगिरि : हरिहर ब्रह्म

दिल्लीआव– 10 आरो 11 दिसेम्बर, 2023 खालाराव खुंफुंजानाय
The 39th National Conference of Dalit Writers नि गेजेरजों BHARATIYA DALIT SAHITYA AKADEMI निफ्राइ, भगवान बुद्ध नेशनल एवार्ड मोननो हानाय गेदेमा समाज सिबियारि — हरिहर ब्रह्म बिथांनो जों,”खौसेथि बड’आफाद/ UBO: United Bodo Organization”आ गोरबोनि मान आरो साबायखर बाउहरो — !

बिथां गेदेमा समाज सिबियारि — हरिहर ब्रह्मआ बड’लेण्ड, क’क्लाबारि गामि गायसंगिरि मुंदांखा गेदेर फोलेर — “लावसोम-खावसोम-आवसोम” नि न’खर फोलेरसा मुंदांखा — मल’चरण ब्रह्म माहाजोननि फिसाला । बिथाङा खनथाइ-मेथाइ, सल’ लिरगिरि आरो अल इंडीया रेडिय’, गुवाहाटी, बड’ आयदायाव मोनसे समनि मेथाइ रोजाबगिरिबो । दासिमबो बिथाङा बानाय आरो मेंनाय गैयाजासे समाजनि खामानिआव बिबान लानानै अरायबो नांथाबनानै थायो ।

 

ड: बि. आर. आम्बेडकर फेलोशिप एवार्ड मोनगिरि : बिपिन चन्द्र बसुमतारि ।

मख’जाथाव — आथिखालाव बिथां समाज सिबियारि गेदेमा– हरिहर ब्रह्मआ “खौसेथि बड’ आफाद/ UBO: United Bodo Organization”नि सासे गोख्रों बोसोनगिरि । खौसेथि बड’ आफादा बिथांनो — गोजौआव मख’जानाय बान्थाखौ मोन्नायनि सिगां, 2023 इं मायथायनि जागायनाय बोसोर समावनो– केशब नोगोरआव सानबानि हाबाफारजों गाजागोमजायै खुंफुंजानाय “1थि UBO दिन्थिफुंसालि- बिजाब मेला”नि गेजेरजों समाज सिबियारि थुलुंगानि फुंखा आरो जाफुंसार सासे न’खर दिथागिरि महरै मानबान्था होनाय जादोंमोन !

बिथांनि आथिखालाव मोन्नो हानाय — “भगवान बुद्ध फेलोशिप नेशनल एवार्ड ” बान्थाया समाजाव गोबां मावबिहोमा होनायनि मुङाव गोथार गनायथिजानाय मुंसे फिथाइ होन्नानै जों, UBO: United Bodo Organizationआ सानो आरो बिथांनिसिम फिन खर’ गंग्लायो !!!

बिथांनि जिउ गोलाव जाथों !!
इसोरनिआव आर’ज गाबो !!!

लोगोसे , बे एखे — क’क्लाबारि गामिनिनो सासे फोरोंगिरि — बिपिन चन्द्र बसुमतारिआबो फोरोंनाय हाबाफारिआव गावखौनो बाउसोमबोनायनि गनायथिजानाय मानबान्था महरै “भारतीय दलित साहित्य अकादेमी” निफ्राइ मोन्नो हानाय खौरांङा जोंखौ गोजोन्नाय मोनहोदों ; बेनिथाखाइ बिथां आरो गुबुन-गुबुन आयदायाव मानबान्था मोननो हानाय गासै बिथांमोननिसिमबो जोंनिफ्राइ मान आरो साबायखर बाउहरबाय !!!

खौसेथि बड’ आफाद/
UBO: United Bodo Organization.

( 2023 ) साहित्य अकादेमी बान्था मोनगिरि -- नन्देस्वर दैमारि बिथांनिसिम मानजों साबायखर :

बर’ रावजों लिरनाय सुंद’ सल’ बिजाब —
“जिउ-सफरनि दाखोन” बेनिथाखाइ
थुनलाइगिरि– नन्देस्वर दैमारि बिथाङा भारत सरकार निफ्राइ साहित्य अकादेमी बान्था मोननो हानायनि मुङाव — गेदेरनिसिम,जों,खौसेथि बड’ आफाद/ UBO: United Bodo Organization निफ्राइ गोजोन आरो गाहाम हामलायनायजों मान आरो साबायखर बाउहरो !!

आरोबाव बेजों लोगोसे जों, बिथां गेदेरनिफ्राइ थुनलाइ मुलुगाव बायदि आयदानि सायाव लिरनायनि गेजेरजों बड’ हारिमायारि सानस्रि आरो मुलुगमायारि थुनलाइ बिथिं दावगालांनायनि मेहेर गोनां इयुन सोरजिथाइ मोननो हागोन होन्नानै मिजिंथिबाय !!!

मख’नाय जायोदि, बिथां साहित्य अकादेमी बान्था मोनगिरि — नन्देस्वर दैमारि गेदेरा बड’लेण्ड, अदालगुरि जिलानि सिङाव थानाय अम्बागाव गामिनि होन्नानै मिथिजायो !!!

बिथांनि जिउ गोलाव जाथों !!
रेबगनजों लिरनाय हांखोआ सनानि जाथों !!! आरोबाव जै जाथों !!!

बिथांजों लोगोसे गुबुन-गुबुन रावारि थुनलाइगिरिफोर बान्था मोनगिरि बिथांमोननोबो जों, खौसेथि बड’ आफाद/ UBO: United Bodo Organization निफ्राइ मान आरो साबायखर बाउहरो — !!

सावस्रियारि जोथोन लानाय जखन्थाइ :

13/12/2023 : मख’जानाय बे खालाराव सावस्रि / देहायारि फारसे जोथोन लानायनि गेजेरजों जिवारि मानसि माहारिया माबोरै थांना थानाय समाव गोगोयै थांना थानो हायो …?

माबादियै थांना थानायखौ Healthy बुङो ….. ( ? ) आरो बेनिथाखाइ जों, सिगांग्रो माबादि जोथोन लानायनि गेजेरजों लोमजा-साजानिफ्राइ बारग’नो मा खालानांगौ ( ? )

बे आयदाखौ लानानै जथुमनाय जखन्थायखौ खौसेथि बड’ आफाद / UBO: United Bodo Organization आ बानजायनायनि गेजेरजों गोख्रों मदद खालामनानै जाफुंसार होयो !

बे जखन्थाइआ बेयावनो मख’जानाय खालाराव बड’लेण्ड नि केशब नोगोर, क’क्लाबारिआव लुफुबायथानाय मावथि जोहोलाव मुंख्लं — केशब बसुमतारि आलासि जिरायसालि न’ सिस्लायाव मोजाङै-मोजां जानानै थाङो — !

खौसेथि बड’ आफाद / UBO: United Bodo Organization नि आफादगिरि : अनिप बसुमतारि बिथाङा मानसिफोरनो फोरमायनाय बादिब्ला — मानसि माहारिया गोगो देहानि थाखाइ गारि-मथरखौ सम-सम सारफिसिं खालामनायबादि सांग्रांयै जोथोन लानायनि राहाजों सोलियोब्ला गोजोन गोलाव जिउखौ मोन्नो हायो ।

बेनिथाखाइ जों, UBO आबो जिवारि मानसि माहारिनो बर’नि आखुरिया मैगं-मैला मुलिजों गोगो देहा Healthy बुहुम दानायनि सिमां दं !! बेनि राहाखौ जों बुहुमनां खालामनो थांगासिनो दं !!!

बर’नि आखुरिया मैगं-मैला मुलि :
बुहुमाव गोसारथों !!

बड’ खौसेथि आफाद
United Bodo Organization.

दुखु फोरमायनाय:

11/12/2023 : UBO: United Bodo Organization / खौसेथि बड’ आफाद नि Co-ordinator मिजु बसुमतारिनि आंगो बिमा — मेररी बसुमतारि,
गामि :- कालाजार,
दैथायख’ :- पारकिजुलि,
जिल्ला :- तामुलपुर, बड’लेण्ड । बिथांजोनि जिउ सोलेर;मैयानि समाव रुंगलांनाय खौराङा जोंखौ गोथौ दुखु मोनहोयो — !
जों,इसोरनिआव आर’ज गाबो — बिथांजो बिमानि जिउमाया गोजोन जाथों !!!
आरो न’खर फोलेराव दुखु सहायनो गोहो हरथों !!!

मिथिनो हायोदि, बिथांजो बिमा — मेररी बसुमतारिआ 12 बोसोरसो सिगांनिफ्रायनो diabetes बेरामाव गोग्लैनानै दंमोन !!!


बड’ खौसेथि आफाद/ UBO: United Bodo Organization

देग्लायनि 2023 मायथायनि असम सोरखारनि थुनलाइयारि पेन्सन मोन्नो हानाय बर' थुनलाइगिरिफोर --

सीताराम बसुमतारी

प्रतिमा नन्दी नार्जारी

सीताराम बसुमतारी आरो प्रतिमा नन्दी नार्जारी बिथांमोननिसिम खौसेथि बड’ आफाद/UBO : United Bodo Organization निफ्राय साबायखर बाउहरनायजों मान आरो गोर्बोनि गाहाम हामलायनाय हरबाय !

लोगोसे, गुबुन-गुबुन रावारि थुनलाइगिरिफोर,थुनलाइयारि पेन्सन मोननो हानाय बिथांमोन गासैनोबो साबायखरजों मान आरो गाहाम हामलायनाय बाउहरनाय जाबाय !!

गोजोन्थों !!

थुनलाइगिरि बिथांमोनजों सोरजिजानाय थुनलाइयारि बेसेनफोरा अरायनि थाखाय गोजों आरो गोथां जानानै थाथों !!

बड’ खौसेथि आफाद (UBO)
नि जानानै —
थुनलाइयारि नेहाथारि
सपन कुमार बसुमतारि ।

27/11/2023 : मैयानि हर समाव जोंनि UBO :

United Bodo Organization नि फुंखा सुबुं सोद्रोमा Prof. ड.रुपान बर’ नि आंगो
बिफा — सनातन बर’ , गामि — क’क्लाबारि , बड’लेण्ड , बिथाङा बे बुहुम निफ्राइ जिउ गोमालांनायाव जों, गोथौ दुखु मोन्नाय फोरमायो आरो न’खरनि दुखुखौ बुस्रांनो इसोरा बिसोरनि फोलेराव गोहो हरथों !!! जों, UBO : United Bodo Organization नि जानानै आर’ज गाबो !!!

जों मिथिनो हायोदि, बिथांनि न’खर फोलेरा गोदोनि कामरुप , दानि बागसा जिलानि सिङाव थानाय क’क्लाबारि गामि गायसंगिरि — “लावसोम-खावसोम-आवसोम ” नि फोलेरसा !….

UBO : United Bodo Organization नि फुंखा सुबुं सोद्रोमा बिथां, Prof. ड. रुपान बर’नि आंगो बिफा — सनातन बर’आ गोबाव सम Seizure disorder; मेलेमाव दाखोन जानाय ( Scar )नि जाहोनाव गोग्लैसोना दंमोन !!!

30 अक्टूबर, 2023:-

जोंनि खौसेथि बड’ आफाद (United Bodo Organization)आ बाक्सा जिल्लानि मसलफुरनि बोरिमुख गामिआव 1थि गायसनथाइ सान फालिदों।

हाबाफारिबायदियै आफादनि फिरफिलाखौ बिरहोयो जोंनि आफादनि आफादगिरि अनिप बसुमतारीआ, बड’ फोलेरनि थाखाय मुंख्लं आरो रुंसारीफोर जालांनायफोरनो बिबार बावो लिरगिरि मधुमहन लाहारीआ, बिफां गायो आथिआबारी बिधा मन्दिर गोजौसिन गेजेर फरायसालिनि बार्ग’ गोरायुं गिरिस बर’आ, आलारि बाथि फोजोङो जोंनि आफादनि बोसोनगिरि समाज सिबिआरी हरिहर ब्रह्मआ।


हाबाफारिनि “खौसेथिनि जखन्थाइ”खौ जोंनि आफादनि आफादगिरि अनिप बसुमतारीनि मासिगिरिनश सामलाइनायजों गोबां हांख्राइजानाय आलासिफोरनि बानबुंथिफोरखौ होलायनाय जायो।
हाबाफारिआव आसाम ट्राइबेल फरायसा आफादनि आफादारि नेहाथारी अमिअ लावजारी, दुलाराय बर’ आबादारी आफादनि बार्ग’ नेहाथारी बिनेनसिं कसारी, भार्ग’ भलनटियार्स फर्च बाक्सा जिल्ला आफादनि गाहाइ नेहाथरी अनिल बसुमतारी, कारेमुआ गेजेर फरायसालीनि बार्ग’ फोरोंगिरि रबिन्द्र रामसियारी, मसलफुरनि समाजनि मावथि राजिब बर’, बाक्सा जिल्ला बार्ग’ भलनटियार्स फर्चनि नेहाथारी गपिल ब्रह्म आरो प्रदिम्म बसुमतारीमोना आलासि महरै बाहागो लायो। बोरिमुक गामि जौगाखां आफादनि आफादगिरि रबिचरण बर’ आरो नेहाथारी नबिन बर’मोनाबो सामलायगिरि आलासि महरै बाहागो लानायजों लोगोसे जायगानि गोरों गोरा आरो राय्जोफोरा बाहागो लायो।

केशब नोगोर सान फालिनाय -