BTR नि BTC सामलायगिरि बिथांमोनिसिम इसि बुंस्लोंनाय
-----इब' सानस्रि बड'सा
जों, साननानै लाजायो —
जोंनि बे बड’लेण्डआनो जों गाव-गावनो सामलायनो मोनखानाय फिसा गंसे हादर ! बेनिखायनो, बेखौ सामलायनो गोनांथि जानाय आदब आरो खायदाखौ जों, गावनि बे हालामावनो गावनो सोरजिनाय आरो दानानै लानो हानायासो जोंनि इयुन देरहासारनायनि गोजोन्नायखौ लाबोनो हागोन होन्नानै सानजायो ! बेनि अनगा मबेबा आंखालनि गोनांथिखौ सुफुंनायनि मिजिंजों गुबुननि सायाव बाराद्राय सोनारनानै राजखान्थियारि गोसोजोंल’ दावगानो सानद्रायोब्ला गावनि BTC खौनो बान्दायनानै फेदेरनो फिसिनाय मासे बोरमा फान्थाबादि खालामनाय जागोन होन्नानै सानजायो !
बेनिखायनो, BTC सामलायगिरि बिथांमोना बाराद्राय राजखान्थियारि थावगानाय लानो नागिरनाय जावलिया गोसोखौ गारनो हायाब्ला मोजां जानाय नङा !
जों, BTR नि BTC मुंनि न’खराव — आंखालनि समाव ओंख्रि गैयाब्लाबो संख्रि-आलौजोंनो ओंखामखौ जानानैब्लाबो न’खरनि इयुन गोजोननि थाखाइ खामानि मावनांगोन ! नङाब्ला, इयुननि समाव आथिखाल BTC सामलायगिरिफोरखौ समा निमाहा होनाय नङाबो जानोहागौ …!!!
