Blog

बे जाथायनिफ्राइ जों, बेखौनो मिथिनो हायोदि,सांग्रां नङाब्ला जोंनिनो फिसा-फिसा गोरोनथिफोराआनो जों-गावनिनो जेनिबो जोबस्रां होनायनि गुदि जानोबो हायो …..! ओरैनोबा फागुन, सैथो दाननि अरा फिसा गोनां ; मेजेम जायोनो …..! जोंखांनायनि उनाव खोमोरफिनो गोब्राब जायो ।

दुखुआ फैयोब्ला फारसेजोंल’ फैया
फारफ्रोमबो बिथिंनिफ्रायनो ज’ज – जा-जाय फैयो — !

बेबादिनो बिराम रामसियारिनि जिउआवबो दुखाआ फैदों जानांगौ..!
बे समाव बिराम रामसियारिनि आंगो बिसि — मायनाव रामसियारिआ गावनि गथ’ सानै आरो हौवाखौ गारनानै खारना गुवाहातिआव दंहैयो !
दुखु नांथाव जाथाइ !

बेबादि दसे गोजोननि थाखाइ गावनि आंगो न’खर, हौवा आरो गथ’-गथाइ गारनानै खारना थाहैनाया जिउआव अराय गोजोनखौ सा-ससेयावनो खोमाना लानायनि अनगा जेबो जानो हाया आरो बेबादि थांखिआ मानसिनि जिउ खुंनाय लामानि गोलाव लामा हान्थिनायाव सौग्रावहोनाय दुखुनि जेंसि ! जाय बे जेंसिनिफ्राइ बारग’नो हाया बिसोरनो फेलें जिउ संसार फारसे आगान सुरनाङो आरो उनदाहाजोंबो बुसुमजानाङो ! नाथाइ, बेफोरबादि दुखुनांथाव जाथाइआ बिराम आरो मायनावनि जिउ संसारावआल’ जानानै थायाखै; दुलाराइ मुलुगावनो जाफ्लेगासिनो थानाय जाथाइ !
बेफोरबादि जाथाइआ आवसारि सानस्रिजोंनो बांसिन जानो मोनो ! बेनिखायनो मख’जायोदि, जेब्लासिम बेफोरबादि आवसारि सानस्रिनिफ्राइ मानसि माहारिआ जिउ खुंनाय लामायाव लामानि जेंसिखौ बोस्रांनानै गोलाव लामा हान्थिनो रोंङा … अब्लासिम, गावबा-गावनि गोसोजों-गोसो हास्थायखुमानाय गोजोनखौबो मोननो हानाय नङा !

बेनिखायनो, समाजाव जाफ्लेबायथानाय बेफोरबादि जेंनाखौ बोस्रांनायाव समाज खान्थिखौ रैखा खालामनानै गोरलैयै गनायजाथाव बुहुमनाङारि बड’ हारिमायारि सानस्रिजों सोलिनो जों, खावलायो — !

बेनो जादों — सोरबा थांदोंमोन ; फैफिनबाय– गोरलैयै समाज खानथिजों गनायथिना लाबाय ! जोंनिमोन; जोंनिखा !

आथिखाल बुहुमनाङारि थासारिनि समाव बेबादि खानथिजों गनायथिलायनानै बड’ हारिमायारि सानस्रिजों थांनानै थानो जों बयबो सिगांनांसिगौ !

बेबादिजोंनो जों, आथिखाल बुहुमनाङारि गोजोन आरो रैखाथिजों थांनानै थांनो हागोन होन्नानै फोथायजायो — !!!