Blog

दा बे समा आबादारिफोरनि थाखाइ मिजिंथिनाय सिमांनि बेसेन गोसा मोदोमफ्रुनाय बोथोर ! नाथाइ , बे समावनो मुं मिथिमोनै एम्फौनि उदखाराव आबादारिफोरनि गोसो आरो बिखायाव दलरै थानो आरो जानो सुखुयै खालामनायखौ नुनो मोन्नाय जादों ! आबादारिफोरनि मोनसे गिदिर खैफोद ; गुमा गयं फैनाय बोथोरबादि !

देग्लाइ , जोंनि आबादारि आजोला नोगोरारिफोरा आदारनि आंखालाव गोग्लैनांगोनखौ रोखा जानायबादि नुनो मोन्नाय जादों ; जदि सरकारा बे समाव गोख्रै मदद होया ….! बबेखानि , आसाम आरो बड’लेण्डआवनो बे खैफोद आरो आंखालनि गोहोमजों बांसिन नाग्लिजागोनखौ नुनो मोन्नाय जादों !

बे खैफोद आरो आंखालनिफ्राइ बारगनानि सिगांग्रो राहा लानो थाखाइ सरकारखौ जों खावलायो —
दा बे समावनो , सान्नैसोनि गेजेरावनो , माइ आबादखौ माइ हाग्रा मेसिनजों बेसेन लायालासिनो हानानै दिखांजोबना होनायनि राहा लानांगौ ! नङाब्ला , रायजोआव लासैनो गिथाव आंखाल आरो खैफोद नुजानो हासिगौ …..! मानोना , मुं मिथिमोनै बे एम्फौआ राफुनाय माइ फिथाइ-फिथाइखौ अरसाबनाय आरो अरग्लि-अरग्लि जानाय आरो सोबखनायजों सान्नैसोआवनो माइ आबादनि गासै फिथाइखौनो फोजोबस्रांनो हासिगौ !