फोरमायस' हायै
_रैरुब बसुमतारि
फैदों फुजा फोरबो
बिसिया इनायनो बुगासोदों
मोनैआव फुजानि सि गोदान ,
हनै मालाय आमोखि मोनहा
फिसायफ्रा अनो ना अनो गानलांदों मालाय स्राय – स्राय
बिबार ब्रेन्ड,झुंका,जिअ,स्किन टास,
लफाय,फुजायाव बेरादों ज’ज’ बिसि फिसाजों
जाहैदों सावमिन म’म’ ।
आंहासो खाफाल दाखुराया
बि फाफि जौ फाग्ला हुआजों
जुलि जाना सानफ्रोमबो
जानांदों जिंगायाव हालाय हाफाय
ओंखाम मुथासेखौनो
गाव खामायाब्ला खस्थ’ मोनजानो गोब्राब जादों गथ’ गथाय ।
गोदो बिमा बिफाफोरा
साख्रिआवला मोजां हुआ
नायहो फैयोब्ला गोसो थोनाय
दंखायो होन्ना दुगा मारियोमोन आं ।
बे जौ फाग्ला, द्रागस फाग्ला
सुनि हुआजों सैमा अरलाय होना
जानांबाय दा सुनि खाफाल आं ।
मालायफ्रा फरायसालिआव
गथ’ गथायफोरखौ लंफेन जुथा
गानहोनानै देलाय मालाय साजायना हरोब्ला आंहा
हरनांबाय फायलाब खाखिनि गस्लाजोंसो
फिथा गहां गहां फैथाजोंसो !!
