Blog

जों नुबोनाय लामाफ्रा एसेबां गिथावमोन
थेवबो जों हान्थिबोदों —
गिनाय गैयामोन

ओरैबादि बै समनि जाथाय …..
खुजाबनाय अन्थाइनिफ्राइ
फोजोंनाय अरबो दंमोन बेयाव

पथ बन्ध
खत्रा
गोदोना सेरथेजानाय
आरो बेनिख्रुइ बायदि खास्रि – बिस्रि …

थेवबो बे लामाजोंनो मोन्थायखौ नुबोनायाव
बेनिथाखायनो जों हस्रिख्रावनो गिबोआखै

मानोना जों गुबुनफोरखौबो नुबोदों —
बिदिजोंनो
थाबायो आरो थाबायो …..

दोंसे लामा
बेयो
जांख्रिथायनि थिखिनि सौहैनाय थांखि

जायनि थाखाइ जोंनि मिजिंफ्रा
गोर्बोआव जुजाइनि अर जाबाय

आरो गाबोननि फुंसिम बेयो
बिदिनो थागोन —

जांख्रिथायारि थान्दै जानानै
दोंसे मेथाइ रोजाबनो
आरो देरहासारनि जै होनो

( 20 बोसोरनि सिगां समावनो लिरजानाय खन्थाइ … ) ।

1/6/2025