Blog

खौसेथियानो गोहो ! खौसेयै थायोब्ला जेबो गाज्रि गोहोआबो साबफानो हाया ! जै जायो ! बेनिथाखायनो जों बुंनो हायो _ खौसेथियानो जै !

बबेखानि , थर गोनां हारिनावसो बेबादि मोन्दांथिया थायो । आरो जाय हारिनाव बेबादि मोन्दांथिया थायो ; हाजारखेब खैफोद फैयोब्लाबो जोबस्रांनो फैनो नागिरनाय बेबादि खैफोदनिफ्राइ बिसोरनि हारिया गोब्राबनि गेजेरजोंब्लाबो मबेबा नङा मबेबा गोनांथार बिथिं फारसेजों जै जानो हायो …. ! आरो बुहुमाव बिदि जैजोंनो अराइ गोथां जानानै थायो ..!

नाथाइ , आथिखालनि बुहुमनां थासारिनि समाव बेबादि जै जानायनि बिदिन्थि मोननो हानाय सम मोननो हानायखौ समानो जोंनो होहोनो नागिराखै …!

थेवब्लाबो बे समाव , इजराइल आरो पेलेस्टाइन ( Palestine ) नि गेजेराव जानाय दावहानि फिथायखौ नायबिजिरोब्ला खौसेथिनि दाहार सोमजिनायखौनो देरहासारनाय नुनो मोन्नाय जादों । बेयावबो खौसेथियानो जै जानायखौ नुनो मोन्नाय जादों !

बिदि होन्नानै आं बेयाव सोरखौबा फारनैनि गेजेराव मबेबा बिथिं थानानै मदद होनाय बाथ्रा बुंनो नाजानाय जायाखै आरो बे सोलिफुनाय दावहानि इयुन फिथायनि मोजां आरो गाज्रिखौबो बुंनो हाथाव जानाय मोन्दांथिनायखौ फोरमायनो सानाखै …. !

नाथाइ , दुलाराइ बुहुमनि इस्लामारि हादरफोरनि ज’ जानायाव मोदाइ गोहोनि थान्दै — हजरत महमद नि अनसायनाइ बोर दं होन्नानै बुंनो हायो !!!

बेनि गोग्गाथाव मानखौ सोर मोननो हायो बे गेदेर बाथ्रा नङा …..!

नाथाइ , बड’ हारिमायारि आंगोथि सानस्रि आरो बांबा-सुबुं सानखोनि आदब -खायदाजों, जों,बेसे खौसेथिनि बेसेन होनो सोर साबेसेया खामानि मावदों ….( ? ) बेसो गेदेर बाथ्रा ….!!!

बेनिखायनो जों ,
बयखौबो गावनिखा हारिमायारि सानस्रिनि फारसे गोसो होथाबनाय आरो मावसोमनाय खालामनो खावलायो — !!!

खौसेथि बड’ आफादनि — जै !!!
जै — खौसेथि बड’ आफादनि !!!